الشافي ربي ابنتي .. ربي يداوي الحال ..!!
بعدت عليهاا هاجر حادرة عينيها تمسح في دموعها غاديا جهة الشرجم :
واخا حتى نبعد عليه كيتو شاويا قلبي عمرها تبرا عقدة هنا 《حطت راحة يدها على نحرها كاتعبر بعينيها المضيومة》بحالك وكيف ضرك...!!! ... هناا كيتو واحلة مامخلياني نتنفس توحشت راسي لي دفنتها نهار لبست البيض وتسرجت بقلة العقل والحيلة جايا عندو بخطاوي الخير وهو لي ذلني ومنع عليااا نوافق عليه وعلى زواجو بيا .!! هو سبابي حتى وصلت هنااا لوالي دراعي كيف كل وقت معه ... ..!!! ولد خوك سمو ساري في عروقي كايقتل فيا بلا مايراعي لفعالو ... اليوم تخليت على ولدي وطرف مني غير باش ندفع ساعة الغيار ونوخرو عليا ونال طلاقي لكن كيف ديما سابقني بشرو ومسبق عيبو لوا دراعي بفضيحة ختي وبّا..!!!
خديجة جرتها من دراعها غادية بها لجليسة تقليدية والبرد طالق سمو، لكن الهم منسيهم مداوي ومبنج حريق الجراج..،
خديجة حضنت على كتافها حاسة بلي طفات هي ثاني والماضي ملازمها عينها في ركنة ثانية كاتخمم شريدة قبل لا تنطق :
الصبر معه ماينفع..الحيلة معه ماقضات.. الجفا زاد من هبالو..!! انا عارفة مثالو مايتبدلو. سوليني اناا !!
هاجر هي ثاني حضنت على دراعها شريدة:
كون ماشفت الحاج وخصايلو نقول هاد الراجل عندو عقدة من باه وشارب سمو من تربية بوه..!!
خديجة صاغت جوابهاا بلا نفاق :
ونسيتي شامة ؟ 《تبسمت نافضة الغيار حطت صبعها على دمعة لاصقة في جفن هاجر خلاتها تغمض عينيها وخديجة تقطفها من مروج الضيم ماسحة عليها دموع حرقو قلبها رجعت تكات على الوسادة كاتقريها الماضي 》محمد ابنتي ماكانش هاك في صغرو واخا كان شيطانو ملازمو كيفو كيف الصبيان .. لكن مانطق بالكذوب ونكر بلي كان حنين في باه وفي مو وحتى خواتاتو فعايلو الخبيثة في كبرو نساوني اياماتو ..!! كان يجيني في نصاص الليل ويحط راسو على حجري ويغفى على الخبير لي كنت نعاود ليه..!! نفسو حارة وعزيزة عليه مايرضى بالدل ولا شي حد يتمادى على ناسو.. كان راجل بفعايلو زوين وطيّاح تختاريه من دون الرجال 《حركت راسها محسرة عاضة على ثغرها 》
تحلو عينيه على الخبث نهار سافر لالمانيا وعاش فيهاا وقت ..رجع من ديك البلاد هاز سم الحشيش وقراعي الشراب لي ملازمينو شر البلية توغلت فيه حتى قتلت فيه ديك الطفولة لي عاشها معنا .. وكل مرة كان يرجع من ديك البلاد كان تموت فيه الحنانة كثر وتموت فيه خصايل الحسان ويزيد عنادو وضرو لينا!! شرب من سم الي&هود والنصارى.
زوين وطياح هو ثاني ..،واقف على الجمر حاضي بوه ومو خارجين من رحبة الفقيه بعدما خطبووهااا ليه ماكانت على بالو انو يتربط مع وحداا بحالها..!! كاتشوف فيه شوفات التيم وهو معلي حاجبو فيهااا طياارة يااا دينهاا هذا ماقال تخمامو خفيفة القدام وتنعاب..... رمى السيجارة بين نيابو، كاينهش فيهااا قبل لا يشعلها وقفت عليه موو كاتقرقر عليه بالالمانية :
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
