كايعض في لحم فموو محموم بنيران الغيرة والعدوان....
مايخفاكم سي محمد وفعلو في هاد الزلال لي تطاول على مرتو ..، داك المحل تقلب سفاه على علاه..، جرتلو تجرتيل عطاه قتلة د الكلاب كايضرب ويعاود ويخرجه سموو لي كلا قليبو حتى دخلو مجموعة من الرجال يهاديوا للخير ويفكوه من يدوو .. ماتهنى حتى عطاه دوا لسخونية راسو..، وكان ناوي يعدمووو .. عياات ماتجبد في شوميزو وتطلب فيه وترغب خايفاه يعدم الدري ويطفي ضو دنيتو..، حدو يطل وينهض عليها بصوتوو المغلية نارو والعرق هواادا من ناااضروو:
تق****ودي للطوموبيل واش باغيااااني ندفن بوك حدااه..!!!
تفزعت من امرو وحالتو العدوانية مازادتش معه الكلام خرجت من المحل غاديا وتفافي والرجال حاضنين عليه من كل جهة خايفين الروح طيح.... وقف كاينهج وهز السبابة كايريش عليه والاخر غايب ماهوش في الدنيا :
باش مرة اخرى تقرب لعيالات الرجال...!!!
خرج مخليينهم يفيقو في داك لي غاب.. قوموه وخرجوه غاديين به لغير محل حيت عارفين انو هو مول العيب على حساب ماحكات ليهم البنت لي في المحل مااشي خدمة هي يتطاول الراجل على مراة مزوجة ..خرج محمد مقجوج عدوو ملته يقربو لشرفه وخاد بنادمة هي لي تشعل نارو حضاها بعينيه الكحلة عنقو حمر ولون وجهوو كذلك العرق صبابة والحرارة فايضة كايحل صدافي شوميزو وينفس حالته ... وعينو عليها قانصاها رامي ثقل العيب عليها هي حيت هييي لي كاترمي بصنارتها لمنوالا وبااغيها تذوق من عقابو هذا هو تخمامو المريض لي ماليه ساس ولا رااس ..!!!
نطق واحد من المارة كان شاهد على ماطرا :
عيطو للبوليس السيبة في البلاد !!!
عطاه جوابو خلاه هااارب بلا مايزيد يتجابه :
دور ت *قود لا نفدي فيك دقتي وديك الساعة انا نعيط على لونمبيلونص ...!!!
تبعاتو البنت لي في المحل واخا الروينة ماسمحتش في حقها شافت فيه برهبانية تنطق الحروف بالميزان :
الحسااب اسيدي ..
محمد غمض عينيه عاض على شفايفو جبد بزطامو كايغلي عطاها الكارط بونكيغ ضغياا حولت المبلغ عطاتو يدخل الكود كايضغط على الارقام ويتهز ويتفش معصب بلا سبة وهاهي جاتو السبة زادت من عصابو...!!!
هاجر مالحقت تفرح بداك الصابو لي عجبها لقات راسها ناسية فردة عطاتها ليه البنت ... جاااي ناحيتها ناوي على الخصام ها بين يدو فردة الصابو طلع وجلس كايحضيها بعينيه وهي ثابتة لاقفة النفس لا يغيضو نطق رامي ليها الفردة ومن فعلو قفزت بخوف :
التعوهيير ساريلك في الدم ابنت الفقيه
هاجر نطقت حاضنة على صويكها عارفاه مسموم :
نت لي بغيتيني نحيد اللتام!!
أنت تقرأ
جمرة الحلال
Romance❤️🔥من رواية "فلتغفري" لقصة "جمرة الحلال" ❤️🔥 بأسلوب مغاير .. فكرة مغايرة.. #بقلم hajar Lotus قصة من قاع الخابية...، حروفها مطروزين بالحكمة.. وبالميزان.. لعُشاق الكلام الفاخر .. تلقى فيها حكمة مدسوسة.. قصة صبر وحكمة و لا كلام فوق كل...
