جمرة الحلال

✨part35✨

《جمرة الحلال 》 ♡37♡

وهوما يتشاورو بينهم وقف عليهم الحاج جلال بهبته المعتادة  مع شافو ابوبكر تلاح على كتفو يبوس ويعطيه صوابو .. تربية الفقيه تربية صافية ابوبكر غصن نوارو طيب أخلاقه زينة وصوابه ولابد منو

نطق الحاج كايناظر هاجر بنظرات قراتهم  هي بحروف الصرامة ..

سلام الله عليكم

يامنة رجعت اللور حشمانة ردت سلام الله تحت شالها

هاجر تهزت من مكانها حشمانة من فعلها عارفة راسها غلطت وبزاف طاحت على يدو تبوسها

فين كاين ابراهيم

ابو بكر شارلو بيديه :

من بعدك  الحاج

قبل مايمشي شاف في هاجر شوفة حارة خلاتها تفافا وتحني الراس نطق و شوفتو ماتسر ولا تداوي   :

بنتي هاجر اتصلي بعكوزتك  وطمنيها  خليتي البال مشطون ..!!!

زاد بسلهامو كايشالي ووراه ابوكر

يامنة  هزت عويناتها حشمانة شافت في هاجر  شوفة مسمومة كاتغلي :

هاااالعربووون اموولات العقل

هاجر عينيها يلعبوا وسط اللتام جرتها يامنة كاتوصي وتنصح :

اتصلي بلالة شامة وراجلك   ورطبي الحديث ... نندب وجهي على قلة فهامتك خارجة من دار الحاج جلال كي الزوفري تحنطزي في الدروبة بحالا ماعليك حكام ...

هاجر مغلوب امرها :

وااامي يامنة  راه باااا هذا  بال وطبيعي مانحسب حساب اذا عرفتوو مضرور

هزت الفون ودوزت الخط لشامة ويامنة تقري فيها في هاد الأثناء  شامة اتصلت بمحمد لي زند وشعل على بونبير ..، ولي زندو هو العروسة المصونة دخلت للدار بعجاجتها ... ماحس براسو حتى كان  برا الفيلا حك الروايض وزاد للدار ناوي على مصيبة مشرارة خصوصا انو كايقلب ليها على السبة طول الطريق وهو يزمن بقلام الظلم راسم سيناريو ديكتاتوري باغي يفنيها ويوريها قيمتها فين وعلاش قادر..

شامة لونها مخطوف  فاقوا صحاب الدار  تهزت على خبطات الباب عرفاتو ولدها نسا السوارت وجاي سخون ناوي على الشر..، حلت ليه سعاد الباب ودخل كايتنفخ ويتفش كيف الثور وعينيه كوحل كيف ابليس زعزع الدار وصحابها :

الوليييدااا

لالة شامة واقفة تستنى فيه وتستنجد المولى  مالحقت تفرح وتقول ولدي تزوج صدقت العروسة هاربة في نهارها الثاني ...جاي عازم على شي شوهة نطق بصوت خشين مهيب :
 

اليوووووم نقتل ديل مها

شامة كاتهديه :

لعن الشيطان  اوليدي...