-كيف أتوبك يا أجمل ذنوبي-

البارت السادس

اخذها من يدها يقعّدها على كرسيه وقعد قبالها عالطاولة وهو ماسك كفوفها يطمّنها : الجوهرة وش صار يعيون اخوك ؟
الجوهرة وهي تشاهق من بكاها : خابت ظنوني ي فهد خابت ظنوني كلها خابت
تنهد فهد بضيق من حالها : طيب وش حالتك هاذي شايفه وجهك كيف ؟ وللمره المليون نواف وينه ؟ زوجك اللي امس رحتي معه وينه ؟
الجوهرة : فهد ، نواف طلع مجنون مب صاحي
فهد : كيف يعني ؟
الجوهرة وهي تبكي : مدري مدري امس قام يضربني ويشد شعري ويتكلم كلام غريب مب صاحي.....تكفى لا ترجعني عنده
شد قبضة يده بغضب : ابن الـ**** الحيوان المنحط ، طيب كيف جيتي لهنا ؟
الجوهرة : بتاكسي حتى هو واقف بره ما حاسبته
قام فهد وطلع يدوّر التاكسي ولقاه واقف عند المواقف اتجه له : ليه واقف هنا
التاكسي : نزلت وحده هنا مسكينة وقالت لي انتظر هنا بعطيك حسابك وانا انتظرها يمكن بترجع ولا شي
فهد بابتسامة : شكرا لك ، بس ممكن تعطيني رقمك احتمال نحتاجك
التاكسي : ولَو هذا هو سجل عندك 054*******
اخذ فهد جواله ودق على تركي : تركي
تركي وهو ياكل : هلا فهود اخبارك ؟
فهد زفر من اعصابه : طيب طيب تعال عندي
تركي التفت لوسن : اجي عندك ، طيب بس عطني ساعة كذا
فهد بغضب : الحين
تركي طلع برا المطعم : فهد وشفيه ؟
~البارت التاسع والعشرون~
فهد : الجوهرة عندي بالقسم الحين تدري ليه ، ناي
قطع كلامه تركي : الجوهرة ! هاذي مب عرسها كان امس وش جابها
فهد : تركي لا تعصبني اكثر نواف ضاربها البنت حالتها حالة تعال عندي القسم الحين وتشوف، قفّل الخط ورجع للجوهرة يطلب لها أكل
بعد نص ساعة دخل تركي وقفّل الباب بقوة ناظر الجوهرة لثواني وتقدم لها يحضنها : والله لاعلمه والله لوريك فيه
الجوهرة وهي رجعت تبكي : مابي ارجع له تكفون
تركي قعّدها عالكرسي وناظر فهد بضيق : كلمت ابوي ؟
هز راسه فهد بنفي ، تركي : طيب امي ؟
فهد : ما كلمت أحد ، خل الجوهرة تقعد عندي بالبيت وانت إبدأ بالاجراءات حقت الطلاق
عقد حجاجه تركي : أي طلاق لا يحبيبي تحسبه سكاتي كذا والله لأفضّح فيه اصبر علي
الجوهرة : مالي بالمشاكل خله بطريقه وانا بطريقي
فهد : بس لازم نقول لابوي لان اكيد الكلب نواف بيروح يدورك عندهم وتنتشر السالفه
تركي : ايه بس الأحسن نروح لهم ولا هم يجون
فهد : ولا أقولك كلّم زايد يجيبهم كلهم ونتكلم احسن
تركي : طيب ، وانتي الجوهرة تجين معي البيت ننتظرهم ولا تروحين عند أم سلطان وفهد ؟
الجوهرة وهي تناظرهم : أجي معك
طول الطريق وهي تبكي تمر قدامها ليلتها مع نايف ، ناظرها تركي وتنهد بضيق من حال اخته اللي امس حال واليوم حال ثااااني
وصلوا عند البيت ولف عليها : يلا وصلنا
دخلت البيت وهي ماسكة ذراع تركي كانت تعرج من الألم دخلها تركي غرفتها طولع يكلّم زايد ، قعدت على سريرها تبكي وتشوف وجهها بمراية تسريحتها اخذت ملابس من الدولاب وراحت للحمام تتروش تنزل الموية على جسمها ولا تحس ببرودتها من حريق صدرها وقلبها
جا الليل ونزلت الجوهرة وهي لابسة بجامتها بعد ما نامت شافت بالصالة فهد، تركي، زايد، امها، ابوها، ورد وقفت عالدرج للحظة تسمع كلامهم
ابوفهد: والله لعلمه الحيوان بنتي انا تنضرب وتنهان
ام فهد وهي تبكي : يعمري يبنيتي امس زفيناها عروس ورجعت ثاني يوم مضروبه يالله
ورد: الله يكسر يدينه ان شاءالله جعله ما يذوق النوم من كوابيسه الله يرعبه مثل ما ارعب اختي
الله ي.. سكتت ورد من شافت الجوهرة قدامهم وهي تبكي ركضت لابو فهد تحضنه وهي تبكي
وابوفه  يطبطب عليها ويمسح على شعرها : بسم الله عليك ي بنتي بسم الله عليك
الجوهرة تبكي وهي تصارخ من ألمها ترتاح بحضن ابوها تحسها الطفلة الصغيرة تقدمت ام فهد تحضنها وتواسيها : معليه يحبيبتي الله يعوضك يارب
~البارت الثلاثون~
لفت الجوهرة عليها وهي تمسح دموعها : انتم لايكون تحسبوني زعلانه عشاني بتطلق لا ، خدعني والله خدعني بكلامه وتصرفاته وهداياه وأهله كان فيه شعور جوا يخرب علي فرحتي واكذب احاسيسي واقول لا يالجوهرة يتهيأ لك بس طلع هالشعور سكتت تناظرهم، وكملت: صح
ورجعت تبكي اشد من قبل
ابو فهد قام أخذ عصاه : دموعك غاليه يابوك غالية لا تنزل على الرخيص ، والله لأفضّح فيه قليل الخاتمة لاخليه ما يطلع من بيتهم من عيبه والله ، وطلع فوق لغرفته
قام فهد وأشر لزايد وتركي يلحقونه للحديقة ، فهد : انا أقول نخليه يطلّق الجوهرة وينقلع في ستين داهية
تركي : وانا اقول آخذ تقرير ضرب واجرجره بالمحاكم هو وابوه وقبيلته كلها
زايد : وانا شوري نروح نفقّع وجهه نعدمه العافية ونخليه يطلّق الجوهرة
طلعت ورد للحديقة بغضب : وانا أقول جيبوه ادعس وجهه أشوهه اخلي محد يطالع في وجهه
فهد يناظر ورد : الحين انتي ليه ما تقعدين عند الجوهرة
ورد تكتفت : الجوهرة ما تبيني تبي أمي وانا أبي روح نايف
فهد بصوت عالي : يوووووووه ، وش نبي بالمشاكل والله حرام الجوهرة بتتعب نفسيتها خلوها تروح بطريقها وهو بطريقه الله يهديه ليه نمرمط انفسنا بالمحاكم
زايد تنهد : خلاص خلاص
ورد واقفه بالوسط بينهم : وش اللي خلاص انت وياه لازم ناخذ حق الجوهرة منه
فهد : حق الجوهرة انه يطلقها وتقعد ب بيت ابوها معززة مكرمة
تركي يضرب باب سيارته برجله : اووف ليه كذا ليه ! وش سوت له الكلب من أول ليلة من أول ليلة
ورد شهقت : ولد السيارة لا تخربها جديدة ! غبي
زايد يناظر ورد  : خلاص يعيال نسوي كل شي سكيتي مب لازم احد يدري
ورد : وعمي وخاله ام سهيل اكيد بيدرون
زايد : هذولا مننا وفينا لو قلنا لا تقولون ما يطلع منهم حس
هزت راسها ورد ودخلت جوا ، دق جوال تركي : السلام عليكم
وسن بغضب : وعليكم السلام ، ما ودك تعتذر شي ..
تركي يناظر فهد وزايد : اعتذر عن وش عفواً ؟
زايد بهمس : مين ؟
وسن : .....
تركي بضحك: اهااا توي اتذكر ، آسف بس اختي جتها مشكلة ورحت اشوفها
وسن : وش فيها بعدين ايهم ؟ ورد
تركي : لا الجوهرة
فهد يأشر لتركي : وسن ؟
هز راسه تركي : طيب بس الوالد يبيني اشوفك بكرا ان شاءالله
قفلت وسن بوجهه ، ضحك تركي : قفلت بوجههي الله يستر اكل عيشي بيروح من يدي
زايد : وشلون يعني اكل عيشك بيروح مب انت بمكتب
فهد : ايه
زايد : طيب ليه يروح اكل عيشك على كيفها هو
فهد هز راسه : ايه
زايد : شلون يعني !
تركي وفهد بصوت واحد : لانه مكتب ابوها
زايد : وشو
( ان شاءالله استمتعتوا بالقراءة ، لا تنسوا الـ⭐️⭐️⭐️)
لينة