-كيف أتوبك يا أجمل ذنوبي-

البارت الثامن

~البارت الرابع والثلاثون~
وكملت وهي تلوح بيدها باريحية : وبهاذي المناسبة .سكتت شوي وبعدين رنّت جوالاتهم كلهم بوقت واحد لفّت لتركي تبتسم له ووزعت نظرها للبقية: هاذي هدية من مكتب عبدالعزيز للمحاماة ، وانبسطوا فيها بالويكئند
تبادلوا الردود الموظفين ما بين ( يعطيكم العافية ، خيركم سابق ، ما قصرتي )
تركي لف عليهم واخذ نفس : يلا طيب نبدأ شغلنا
وسن اخذت تفتح ملفات القضايا توزعها عليهم ، و وصلت لآخر ملف قدامها : أما هاذي فقضية متأكدة انها بتعجب تركي
ابتسم تركي ياخذ الملف يقرأه ، ورفع حواجبه بذهول من شاف محتوى القضية وأخذ يحكيها لهم : روضة أطفال ما تختار موظفيها بعناية وحزروا مين صاحب الروضة ومديرها
تنهدت وسن : سالم العقيد
كمّل تركي : وكمان تسببوا بتسمم أربعة أطفال طبعاً هذا حسب كلام الأهالي ، عاد تصدقوا أحلى شيي وجيه الصدمة على وجه سالم لما يسمع الاتهامات والإدعاءات 
وسن ترجع ظهرها لورا تسنده : وتخيلوا العنوان : إغلاق روضة صاحب الجمعيات الخيرية سالم العقيد تخيلوا معاي هذا العنوان !
السكرتيرة :  وتحت العنوان مباشرة في الصفحة الرئيسية :رُفعت القضية باشراف مكتب عبدالعزيز آل صقر للمحاماة
تركي قفّل الملف وهو يضحك : هاذي القضايا الحلوة ولا بلاااااش
وقفت وسن تاخذ جوالها وجمعت كفوفها ببعض : شكراً لكم كذا نكون خلصنا اجتماعنا لا تخيبوا ظن استاذ عبدالعزيز فيكم ، and have a nice  weekend 
قاموا كلهم كل واحد على مكتبه وراح تركي لمكتبها وهو يصفق: صراحة فكرة ذكية المكافأة المالية
وسن وهي تقعد على كرسيها : اذا تبغى تكسب الموظفين إملي عينهم أول واترسها
-
قاعد ابو فهد وابو العنود وزايد وخالد ،
ابو العنود : ما هقيته نايف نذل كذا !
ابو فهد : ولا انا ي اخوي ، بس اللهم لاعتراض قضاء وقدر وش بنسوي
ابو العنود : طيب ما تهقى انه يتعدل ؟
عقد حجاجه ابوفهد بعصبية : ما أهقى مِنه شي ، خدعني انا وبنَيتي حسبي الله عليه
أبوالعنود: الله يصلح الحال ، سهيل جاي مع أهله يوم الجمعة انشاءالله
ابوفهد يهز راسه: ايه ايه كلمت البنت وانشاءالله انها موافقة ،بس ما كلمناهم عالموضوع اللي قلت لك
خالد : أي موضوع ؟ لايكو، قطع كلامه أبوفهد ماد فنجاله: صب صب يعمّك
عند ورد والعنود بالمطبخ يجهزون الغدا ، ورد وهي تغسّل الرز : والله ابي ادعس نايف بترلّه
العنود تقطع البصل وتدمّع ، معطية ورد ظهرها : ي حبيبتي ي جويهر ، ما تستاهل والله
عكّشت ورد وجهها ولفت العنود عليها بجسمها وهي تشاهق : بنت وش فيك تصيحين ؟
العنود تاخذ منديل : لا ما أصيح !
~البارت الخامس والثلاثون~
ورد رخت ملامحها : ي حبيبتي كل هذا عشان جويهر ...
العنود : ما أصيح قلت ، قاعدة أقطع بصل عشان كذا
ورد تقعد عالكرسي قبال العنود : اقعدي بسولف لك ، قعدت العنود : سولفي يلا اسمعك
تنهدت ورد وهي تحك كفوفها ببعض: ياخي متوترة من يوم الجمعة
العنود بابتسامة : وليه متوترة ، يوم الجمعة بالذات ؟
ورد بققت عيونها : الحين انتي ما تدرين
العنود ضربت فخذ ورد : ادري بوش اخلصي ؟؟
ورد بخجل: ام سهيل خطبتني بعرس الجوهرة ؟
العنود : لمين ؟خطبتك
ورد بضحك: ياربيه انتي وتركي نفس الفهاوة ، لمين يعني لولدها
بلعت ريقها العنود من تشبيه ورد واقدمت تحضنها بوسع ثغرها: ي حبيبي انتي ألف ألف مبروك
تنهدت ورد وابتسمت : بس أحس للحين فيني حيرة ويوم شفت الجوهرة خِفت زود يعني أخاف
قاطعتها العنود بنفي : لا لا تفكرين كذا سهيل مب زي قليل الخاتمة نايف مافيه وجه مقارنه أصلا
ورد تناظر العنود بقلق: قولتك يعني
العنود : ايه وبعدين لسه هَهَهْ خطبة حتى شوفة شرعية تعرفين مافيه الا بعد الملكة
ورد تناظر كفوفها : ما ظنتي اعتقد بيملكون يوم الجمعة تعرفين ابوي وبعدها الزواج 
-
دخل تركي البيت وهو يدندن مبسوط ولف لما شاف لمبات الملحق مشغّلة : اقععد ، وش مقعدكم هنا
زايد بمزح : رتبنا الملحق واضح انك متكي فيه ٢٤ ساعة مكان قراطيسك
ابوفهد وهو يناظر تركي : ايه أكيد تلقاه يكبّر الوسادة وينااام
تركي يحك راسه: صدقوني وضعي هنا زي بالديرة ما تغير أي شيي
خالد يناظره بطرف عين  : لااا أكيد يعمي لا تظلمه
تركي لف بيطلع من الملحق : انا بروح اغيّر واجيكم هنا نلعب سوني شرايكم ؟
خالد : يلا بسرعة
دخل تركي للبيت وقف عند الباب : يا أهل البيت
ام فهد بضحك : تعال ي أمي مافيه غريب
دخل تركي يبوس راس أمه ويدها ، ردت عليه :تبوس الكعبة ي حبيبي ، كيف الدوام
تركي يقعد جنب أمه: عسل ، انتوا وش سويتوا شلونها جويهر
ام فهد : يعمري عليها بغرفتها كل ما ادخل القاها نايمة
تركي هز راسه ولف على ورد يناظرها : وش غداكم اليوم ؟
ورد بابتسامة : سويت أكلة هندية شفتها بالانستا تجنن ... بس ما عجبت أبوي
تركي : إقعد يالوصفات والحركات عاد أبوي مب حق وصفات حق كبسة جريش مرقوق .. تقليدي  ، رفع يده يمزح : الله يسعدك ي سهيل طلعت الطباخ اللي بداخل وريدو
رمت ورد عليه المخدة : يا الله من ثقالة الدم
تركي بابتسامة : طيب ممكن تحطين لي اتغدا مييت جوع
ورد رفعت اصبعها: بس بشرط
تركي تنهد : وش ، نعم ؟
ورد : تطلعنا
تركي يناظر أم فهد وأم العنود يهز راسه : لا مانيب فاضي واليوم بيجي نايف
أم العنود وهي لابسة عبايتها : ما عليه ي ولدي يمديك بعد ما يمشي
~البارت السادس والثلاثون~
ورد : لو سمحت تروكي لو سمحت
تركي : افف طيب بس ترا عشان عميمة قالت
-
دخل نايف الحديقة يناظر حوله سيارة تركي الجديدة ، البيت الكبير ، الفخم ، الحديقة والورود اللي فيها ، مين كان يتخيل ان ابو فهد صاحب العيشة البسيطة فالديرة عنده هالخير بالرياض ، رفع حاجبه لما طلع أبو فهد وابو العنود و وراهم خالد ، فهد، تركي، زايد
الو فهد : السلام عليكم
نايف تقدم يبوس راس ابو فهد بس صد ابوفهد ما يبيه يقرب له : رح انثبر عالكنبة اللي هناك
ابتسم فهد يناظر العيال ، تقدم أبوفهد وابو العنود يجلسون بالمقدمة والعيال جنبهم ، لف فهد لنايف : تدري ليه ناديتك هِنا ، بطلب من أبوي
نايف يناظر أبوفهد:  وش تبي مني يا عم
أبوفهد بهدوء : أبي حق بنتي
نايف : انت تدري ي عم اني أغلي الجوهرة وأحبها وصدقني اللي صار مب بقصد مني
تركي بعصبية يقوم له بس مسكوه العيال : ويقىل مب بقصد مني ، عِلي صوت تركي : كيف يعني من دون قصد ، البنت حالتها حالة لو بقصد اش كان سويت ؟
نايف ببرود يناظر تركي: أشياء تصير بين الأزواج مالك فيها
قام زايد صفعه كف : ماله فيها ها ! شين وقوي عين ، مسك ياقته بغضب : تضرب اختي انا ها انا أوريك اصبر علي ، التفت لخالد ي خالد لو سمحت اطلع برا شوي
خالد : ليه خلني معكم هنا ، لف على ابوه اللي هز راسه : روح يبوك
طلع خالد برا البيت ونادى زايد الجوهرة بقق عيونه نايف بصدمة ، ما عنده ادنى فكره عن سبب مناداته الجوهرة دخلت الجوهرة وعيونها ذبلانه من البكى : نعم
زايد وهو ماسك ياقة نايف : خلّك مكانك
طرح زايد نايف بالأرض وقام يصفع فيه وعيونه تشتعل نيران من قهره : كذا استضعفت اختي ، كذا ضربتها ، الجوهرة تقدمت لزايد تمسك ذراعه وهي تبكي : زايد تكفى خلاص
تركي مسك الجوهرة يمسح على كتوفها : زايد .. زايد
ابو فهد قاعده وجنبه ابو العنود يناظرون زايد وهو يضرب ويلكم نايف يبي يبرّد حرة قلبه على بنته ، كح نايف وطلع الدم من فمه : خلاص يكفي
بس
زايد قام من فوقه وهو يسحب نفسه للخلف : والله محد يبرّد حرتي فيك يا **** شفت الجوهرة والله ما تستاهل ربع ظفرها ي حسافة العشرة والجيرة والأخوة اللي كنّيناها لك أنا وإخواني بس تدري كل ما نِحن لقعدتنا وسواليفنا معك بنتذكر سواتك باختنا ياللي ما تخاف ربّك
قام نايف يعدّل ياقته وهو يناظرهم بحقد ولف بيمشي بس مسكه فهد من ثوبه : تعال تعال لسه ما خلّصنا
نايف يصارخ : حتى انت تعال تعال اضرب
فهد يضحك : لو ابي اضربك كان اخذتك بدورية و وديتك لغرفة التحقيق وعدمتك العافية ونطلتك ب بيتكم ولا ادخلك السجن ونحط لك أكبر عقوبة نقدر عليها

( ان شاءالله استمتعتوا بالقراءة ، لا تنسوا الـ⭐️⭐️⭐️)
لينة