فوط + كومنتار فضلا وليس أمرا
دق الباب وهو هاز القضيان في يدو حلت عليه بابتسامة كبييرة مع غمازات في وجنتها تبسم لا ارادي
رؤية : اهلا وسهلا توحشتتك ... رد بالك تقلي مصليتش الظهر والعصر والله غار نزعف منك
محمد وهو ينحي في صباطو : ههه متتقلقيش صليت صليت في الجامع خطفت روحي صليت ورجعت للخدمة
هزت عليه القضيان وهي تضحك دخلت وهو وراها
رؤية : ايا مليحة مالا ... هيا نحطلك تتغدا علابالي مكليت والو انا اللي درتو
الهام : اهاااا ياوحد الكذابة على اساس انا مدرت والو تحوسي تدي اهتمامو اكل ليك وانا ميبقالي والو
محمد : يا سلام .. تقول ضراير يتهاوشو عليا
معتصم : زوجوها نتهناو منها هبلتنا
رؤية : لالا يسموووني هنا نقعد .. منيش رايحة حتان نزوجوك نتا
ضحك محمد والهام عليهم وعلى مشاغبتهم قعدو كامل على طاولتهم الصغيرة المتواضعة يشربو في لاتاي
محمد : ربي يدوم ضحكتم يا ولادي ... وش حوالك مع الجامعة معتصم ؟
معتصم : مليحة مسلك راسي ... ها حقا تفكرت مسقسيتش عمي سماعيل ! هند عندها فايت الشهر ماجاتش لافاك ... لا يكون صرالتلها شي حاجة لا قدر الله !!!!!
حبس كاس التاي عند فمو موش عارف وش يهدر علابالو بلي ابنو يحب هند وصارحو من قبل باش يخطبهالو ... كيفاش يدير ؟ ميقدرش يقلو مستحيل ! يعرف بنو طايش طاير مع الطيور ويروح يغلط مع مهدي راضي ويصرا مالم يكن بالحسبان
الهام ::محمد ... محمممد وش بيك ؟ تايه !
محمد : مكان والو .. الحمد لله ... انا نروح اجماعة استودعتكم الرحمان
ناض محمد تبعاتو الهام
الهام : وشبيك محمد ماكش عاجبني اليوم
مردش عليها كان تايه
الهام : محمد وشبيك ؟؟ وش صاري ؟ راني نشوف فيك مهموم خير ان شاء الله
تنهد وقعد ع السرير
محمد : ااااه يا الهام الطفلة ضاعت ... هند ضاعت مسكينة كانت نوارة وشمعة مضوية طفات
قص عليها الشي الللي سمعو من اسماعيل
الهام : لا حول ولا قوة الا بالله لهاذ الدرجة !؟
محمد : معرفتش وش نقول لمعتصم .. حالتها رايحة للاسوء
الهام : غدوة نروح نزورها
محمد : غير مكان لاه كون تروحي يسمع معتصم ويلعبها فحل يروح لمهدي .. وهو موش قدو راح يدير فيه الويلات ميعرف رحمة ما يعرف رأفة
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
