فوط + كومنتار
واقفة متوال المراية تخزر في روحها بإعجاب وهي مضيقة الروبة على خصرها تخزر في اطايها وهيئتها
هند : مفهمتش وينو الديفو .. علاه ديما رؤية تجي خيرمني لشتا ميش لابسة مليح
دارت تشوف مع شعرها
هند : زعما شعرها كي عاد طويل ! اممم لالا انا خيرمنها تبانلك برك اهند
بقات تشوف مع روحها وهي تخمم .. هي صح تحب معتصم بضح تحب صوراد مهدي ثاني ... مالغري اللي تطلبها يجيبهالها بصح ميش معمرتلها عينها طاحت عينها ع السلسلة اللي في رقبتها تاع ذهب اللي كانت عطاتهالها رؤية غار كي عجبتها
هند : الناس اللي عايشة صح ترقد ع الصوارد منعرف شكون اللي بقى يمد ضك الذهب ضحكت عليها بزوج كلمات نحاتها من رقبتها
هزت كتافها بلا مبالاة ورشت بارفاننتها
هند : نزيد شوي ونهبط هذاك هو يخلصو هوما الخدمة افففف
...........................................
خرج من بابا الشركة الصغيرة اللي يخدم فيها وركب الطومبيل تاعو .. صغيرة مقدرة قدو قد حالو ماشي هاذيك الله الله مي تڨزيستي تبسم كي تفكر اللي دفع اخر قسط منها من يومين ركب جا يركب لاسانتير لمحها واقفة في موقف الحافلات حاطة كفها فوق جبينها من الشمس اللي ضاربة فيها تنهد وهز الكاسكيطة تاعو وراح لعندها وقف بعيد عليها شوي
معتصم : احممم مدام سراب
تلفتت ليه ثمثم نزلت عينيها من عليه
سراب : انعم مسيو معتصم كشما سحقيت !
معتصم : نوصلك !!
نطق بيها بلا ما يفيق بروحو مي ثمثم تدارك نفسو بلي اللي قالو ميجوزش اصلا وهي ضك تفهمها حاجة اخرى
سراب بتوتر : لالا ضك نروح ضك يجي البيس
معتصم : هاكي ديريها على راسك الشمس قاسحة وتضرك ونتي ماشي مليح ليك ولل......
قطع كلامو في النص وداخلو متوتر موش عارف وشبيه مدهالها ومشى قبل مايزيد يخربها اكثر وديمارا بلا ما يشوف وراه وهو يستغفر صونا تيليفونو كان مهدي هز عليه ودارو بارلول
مهدي : السلام عليكم
معتصم : وعليكم السلام
مهدي : خلصت الخدمة !
معتصم : ايه اني مروح في الطريق
مهدي : علابالي راك متوال #$$$
معتصم باستغراب : كيفاه عرفت !
مهدي : دور على يمينك
دار معتصم وتبسم كي شاف مهدي بجنبو يسوق ووراه ربع طموبيلات رباعية الدفع
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
