فوط + كومنتار
مهدي .... بصح مدام وصلنا لهاذ النقطة ووصلنا للطلاق والانفصال قبل ما نطلقك نحكيلك حكاية ماضي الشيطان مهدي راضي
طلعت عينيها المدمعين فيه ... وهو سند راسو للخلف ع السرير حاطط مرفقو فوق ركبتو
مهدي : من سنين فاتو كان عندي انا 18 سنة هكذاك كنا اسرة صغيرة بسيطة سعيدة كيما نتوما انا وبابا ويما وهديل كان في عمرها 24 سنة الحمد لله وفقنا ربي وقرينا هديل كانت متخرجة ماستر 2 وانا جبت الباك بتقدير ممتاز ودخلت كلية الطب بابا كان عامل نظافة في شركة .. خدمة شريفة ولڨمة حلال الحمد لله انا كنت نقرا 1 طب كنت في وقت الفراغ نروح نخدم اي خدمة وخلاص المهم نجيب مصروفي ولا كشما نعاون بابا في القضيان وكيما صرا لهند صرا لهديل بصح كاين فرق كبير بيناتهم خرجت هديل تشري حوايج لجهازها كانت مخطوبة بولد جيراننا اسمو حمزة كان محاسب فنفس الشركة المهم عڨبت على بابا في الشركة عادي كيما عڨبتي نتي وهند ... تلاقات بجمال خالدي شافها وعرض عليها خدمة بمرتب 6 ملاين هههه مرتب مغري يخي هه قبلت هديل بلا تردد فرصة عمل مكانش كيفها منها تعاون بابا ومنها تجهز روحها فرحنالها كامل فاتو يامات واسابيع شوية لمحتها ميش على بعضها كل ما نسقسيها تقلي تعب الخدمة برك جا نهار كان بابا موش قاعد وصرا بروبلام كبير في الدوار وين اهل بابا مشكل ع الارض اضطريت نروح انا في بلاصتو غبت ع الدار يومين .... رجعت مع دخلت الحومة نلقاهم كامل يشوفو فيا في نظرة
Flash back 🔙
دخل للدار وعلى ملامحو ابتسامة تكلم بصوت عالي
مهدي : السلام عليكم يا اهل الدار جا هادم اللذات ومخرب اللحظات ....هديييييل جبتلك الفراز اجري
ملقى حتى رد دخل للصالة الصغيرة اللي ثم لقا هديل تبكي وتدوح حالتها حالة الشعر ماهو شعر والوجه ماهو وجه .. وجه نظرو لباباه اللي كان حاط راسو بين يديه وبعدها امو اللي كانت تبكي هي ثاني قاعدة في الارض الباردة
مهدي : شكون مات !؟
هز عبد الله راسو وهو يعيط
عبد الله : مات شرف اختتتتتتتك شرف اختك اللي مات
حل مهدي عينيه على وسعهم طاحت شكارة الفراز اللي كانت في يدو تفرزع في الارض كل حبة وين راحت هزت هديل راسها على حبات الفراز اللي وصلو حتى لعندها وهزت راسها فيه وكلاطات بالبكا وراحت تجري ليه عنقاتو بقوووة
هديل بهستيريا : ذبححححححني امممهدي ذبحننني هو دمرنننننني ودمرلي حيااااااتي علاااااه يديرلي هكذا علااااه
مهدي : فهموووني وش صرا كذبوووو الافكار اللي بدات تراود راسي قولولي كذبة
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
