فوط + كومنتاار
بعد 3 أشهر
حلت عينيها مع " الصلاة خير من النوم " شافت في مهدي اللي كان راقد تبسمت وباساتو من لحيتو وناضت توضات ورجعت حطت يدخا على خدو بحنية
رؤية : مهدددي ... نووض راه اذن الفجر هيا مهدووشي
تململ حل عينيه وتبسم بنعاس وشد يدها باسها
مهدي : اني نضت
رؤية : روح اتوضا ضك نطرح السجادات
حط مهدي يدو على قلبها بخوف
مهدي : ياك لباس ! معندكش الوجع !
رؤية : والله غار لباااس وااللللله 3 اشهر كاملين ونتا تطرح عليا نفس السؤال 20 مرة في اليوم
مهدي : علاه غلطت كي راني نتقلق عليك !!! خاطر ماشي نتي اللي حسيتي وش حسيت نهار العملية كي مزربش استجاب القلب ... راهي عملية قلب ماشي مرارة ولا مصرانة زايدة
رؤية : خلاص مقلت والو هيا نوض اتوضى اني نستنى
مهدي : ياك لباس !
رؤية : راني بألف ألف خيييييييييير اسيدي
شاف فيها بتفحص للمرة الاخيرة ومشى يتوضى .... بقالو خوف وهااجس كبييير عليها من ذاك اليوم اللي حسبها ماتت ... يوم في حياتو ينساه استغفر وطرد الافكار من راسو توضا وراح لقاها واجدة أمم وصلى بيها
رؤية : تقبل الله
مهدي : امين اجمعين
رؤية : هاك
مدتلو السبحة شدها عليها وحطها فوق السجادة وجبد كف يدها
مهدي : انا سمعت بلي اللي يسبح بكف يدو ينور يدو يوم القيامة
هزت راسها ايجابا بابتسامة متسعة
🩷🩷🩷🩷🩷🩷🩷🩷🩷🩷🩷
معتصم : هند .. هيا حبيبي نووضي تصلي الفجر راه اذن
هند بتذمر : افففف خليني نررقد معتصم غدوة ونصليه ماشي شرط ضكا
معتصم : هيا نوضي متأجليهاش
هند : ببفففف لاه يعني قطعت عليا نومي
معتصم : رايح نصلي في الجامع ومن ثما طول نروح للخدمة
هند بنعاس : امممممم
معتصم : متنسايش تهبطي لعند يما تعاونيها
هند : امممم
دار ساعتو وخرج من الغرفة
هند : كي نوض نصلي ضحى
غطات راسها بالكوات ورجعت رقدت
اما معتصم بعد ما خرج من الشقة تلاقى بعماد
معتصم : صباح الخير .. رايح للجامع !
عماد : ههه اني مروح للدار هاذا وين روحت من الخدمة اني رايح نطيح من العيا منهار تزوجت خولة وليت منشتيش ندخل للدار نلقاها فرغانة ايا تبقى على خير راني نزيد دقيقة نرقد هنا بالواقفة
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
