فوط + كومنتار
بون البنات اسمحولي طولت عليكم هاذ المرة هههه الله غالب عندي ظروف .... راح نرجع نحط كيما كنت من قبل
رؤية : اييه والمطلوب !
مهدي : نتي اللي راح تعطيلي هاذاك الطفل ويكون منك وبعدها راح نحررك ونطلقك واذا بغيتي نطلقك بالثلاث بصح ابني يبقى معايا ... اذا حبيتي نتي ثاني تبقاي معنديش مانع
رؤية بعصبية : انا اللي عندي المانننع انا مستحيل نقبل واحد كيفك يمسني ... اذا بغيتني راح تاخذ جثة مالا
ناض بهدوء
مهدي : مالا مزلت عند وعدي دخلتنا اخر الاسبوع .. ونتي اللي راكي لاعبتهالي شيخة زعما نقلك روحي زيدي اقراي ملييييح على امراة كي يطلبها راجلها وترفض وش يصرا ؟
خرج من ثم عضت على شفتها بقوة وحطت يديها على وجهها تبكي علابالها ! هي علابالها بحجم الذنب اللي راهي ترتكب فيه ماشي مرة وماشي زوج تدي الذنب .. ربي يغضب عليها والملائكة تلعنها لانها ملباتش دعوةوزوجها للفراش
رؤ: يااربي واسمحلي .. يا ربي واغفرررلي ذنبي الفظيع هاذا بصح مجبورة ... مقدرتش نسلمو نفسي .. ع الاقل لازمو يتبدل قبل
.................
في السبيطار عند هديل
دخل ادريس لعندها بإبتسامة مزينة ثغرو شافها متكمشة في بلاصتها كي العادة لمح نظرات الرعب اللي في عينيها جبدت روحها للخر الطرف تاع السرير
هديل : شكون نتا !!! لاه جيتت ... مهدددي .. مهددددي
ادريس : اششششش متخافيش متخافيش انا طبيب تاعك ادريس شرقاوي عيني مسيو مهدي في الكلينيك تاعو باش نشرف على حالتك
هديل : مهدي !؟ كيفاه .! الكلينيك تاعو ؟؟ منين جاتو ؟
تبسم ادريس كي تفاعلت معاه ونسات خوفها وقعد فوق الكرسي مقابلها
ادريس : ههه ايه مهدي خوك عندو الكلينيك هاذي و 3 خراين وعندو اكبر شركة للمقاولات مصنفة الرابعة عالميا وبزاف شركات سياحية في دبي ولندن وبزاف حوايج
هديل بصدمة : اه !! مهدي ؟؟ اك سير ؟ يخي هاذاك اللي جا ودخل هنا طويل ولابس كوست.......
ادريس : ايه ايه مهدي راضي منيش غالط خوك
هديل : ومنين جاه هاذا كاممل !؟ حنا كنا قيسنا قيس روحنا وكتا ولا هكذا
ادريس : منعرف عندو 3 سنين ملي ظهر هكذا مكانش اللي ميعرفوش الشركات والعقارت كلشي كانت بإسم بن سليمان فجأة ولا هو في بلاصتو واحد معلابالو لا كيفاه
هديل : عيطلو يجي نهدر معاه
ادريس : تيليفوني في البيرو كي نروح نعيطلو .... اهاه ...
أنت تقرأ
دواء قلبي {01} + {02} ... 💕رؤيته 💕 ...
Novela Juvenilلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
