فوط + كومنتار
كان هابط طول رجع بخطوات للخلف حل الباب تاعها لقى بلاصتها معدووولو قدقد شاق جيهة الحمام وقلبو يخبط مليار يدعي في ربي يكون ماشي الللي في بالو حل الباب بهدووء وهو مغمض عينيه كي ماسمع حتى حركة حل وللاسف مكانتش ثم
جاد : هربت اجاد .... اليوم موتك واعدامك على يد مهدي اليوم يذبحك بالمقلوب من قفاك
خرج يجري يحوس عليها الدار فرغانة مافيهش حسها حل الباب وخرج سمع صوت ضحكات وقهقات انثوية رنانة جاية من ورا الدار غمض عينيه براحة ورجع ورا الزاوية يتفرج فيها كانت لابسة روبة تاع دار تاع امو وزامة شعرها بفولارة والعجين محطوط فوق المايدة وهي تعجن بيديها اللي كبرو في القطن والعز والدلال والفرحة على محياها
سعاد : ميش هكذا يا صامصة هكذا العجين يتقطع
ماصال بتذمر : خالتي والله اسمي ماصال
سعاد : كيفكيف اصلا لاه خلاصو الاسماموات ؟ مفهمتش لاه اهلم سماوك هكذا كون سماوك كيما حنا بكري مربوحة .... حمامة ... سعدية .... اصلا جيل صايع ويش نستناو منو
عقدت ماصال حواجبها بتفزز تيماجيني في اسم من الاسموات هاذو اسمها مجرد الفكرة تقززت منها .... اما جاد كان يخزرلها وهو يتبسم بلا وعي منو
جاد : حرام عليا .. انا وش راني ندير .... نشوف في مرت مسيو مهدي !!! لالا
بعد من ثم قبل ما يزيدو يغرقو عينيه كثر
💕💕💕💕💕💕💕💕💕💕
ناض الصباح بدل لبس ديباردور وشورت للركبة لاأنو اليوم موش رايح يخدم وسلم لسامي ينوب عليه اليوم راح قعد فوق الفوتاي وشعل التيليفيزيون
مهدي بصوت عالي : رؤؤؤؤؤية ديريلي التاي
استنى زمان وهو يبدل بين القنوات ماكان حتى حركة ليها
مهدي بالعياط : رؤؤؤؤؤؤؤيية
للمرة الثانية مكان حتى رد
مهدي : رقدت هاذي واقيل ... اواه مزال مأذنش العشاء هي مترقدش بلا ما تصلي ... اكيد عاملتها بالعاني ميش سامعتني ومطمشتني ... معليش ضك تشوفي مالا
حط لاكوموند في لاتابل وناض دقدق في الباب
مهدي : رؤؤية
زاد دقدق مرة وزوج وثلاثة مكان حتى رد حل الباب وطل براسو قابلاتو متكمشة فوق السرير ترجفففف رجيف جرا لعندها وقعد قفازي في الارض حط يدو على جبينها تلسع من السخانة اللي ضربتو
مهدي : نعل #$$###$-&&&# رقدت طول بقشها مشمخ ... زيها تعدات مني
راح للدريسينغ جابلها بيجامة دافية تريكو وشورت قصير ونزغها باش تنوض
مهدي : رؤية نوضي بدلي قشك
حلت عينيها بتعب هزت راسها بإيه جات تنوض مقدرتش حاولت مرة وزوج حتان تغمضو عينيها مدوخة من السخانة ورجعت رقدت وهي معنقة روحها تحاول تدفي روحها
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
