فوط + كومنتار
سميحة : ديجا نقلك ؟؟؟ اتزوجها
سامي : اه !!! كيفاه ؟
سميحة : ايييي اتزوجها هكذا مستحيل
يقرب منها فترة مؤقتة قيس ما ينساها مبعد طلقها .. واي وحدة تسمع بلي رايح يدير فيها المنكر هاذاك اتزوجها
سامي : ايه هاذا هو الحل ... هو مستحيل يقدر يقرب منها ااذا كانت هي مرتي
❄️❄️❄️❄️❄️❄️❄️❄️❄️❄️
عند مهدي
لبس قشو اللي كان عبارة عن جينز نوار وتريكو نوار وسبادري بلون .. ساعة مزينة معصمو فاللون الفضي ثقيلة صفف شعرو بعناية وهو يصفر زاهيتلو رش البارفان تدوش بيها هز مفاتح اللوطو تاعو وخرج وشطر تبسيمة على ثغرو .... شرا في طريقو حوايج ومشا لوجهتو
طبطب الباب حلت عليه طفلة صغيرة من حجمها الصغير مبقاتش تبان متوالو طلعت راسها ليه
رميسة : شكون نتا ؟؟
مهدي : باباك هنا ؟
رميسة : ايه شكون نقلو
محمد : رمييييسة شكون ؟
رميسة : بابا واحد الراجل طويل يحوس عليك
خرج من الدوش وهو يمسح بالفوطة بعد ما سبغ الوضوء باش يصلي العشاء طاحت الفوطة من يدو كي شافو عند الباب حس بالفشلة حكماتو من الركايب
محمد : .. م ..مو.. مسيو مهدي !
مهدي بابتسامة : تخليني واقف في الباب ؟؟
محمد بتوتر : اتفضل اتفضضل اكيد
تبسم وبربش شعر رميسة ودخل
مهدي : بنتك عسل روحها خفيفة
هزلو راسو بإيه بتوتر ودخلو للصالون ... شاف مهدي في الدار باشمئزاز ظاهر دخل بصباطو عادي وقعد فوق الفوتاي حط بوكي الورد والشيكولة فوق الطابلة وشاف في محمد
مهدي : احم .... عم محمد بلا لف ودوران وطول الهدرة جيت طالب راغب يد بنتك الكبيرة منعرفش اسمها
شاف فيه محمد بصدمة
محمد بسخرية : وش راك حاب تعقد اليوم ولا غدوة وميش حاب جهاز .. غار كابتها وخلاص وتجيب الامام تقرا الفاتحة ضكا .. وميش قادر تدير عرس لأنو يا خسارة عمتك عندها 10 ايام ملي توفات يخي !!!
تبسم مهدي وعدل قعدتو ... حاط رجل فوق رجل بتكبر وشبك يديه ببعض
مهدي : اهااا فهمت ... مالا اسماعيل فهمك وحفظك كلشي ... مدام السيناريو بقا مكشوف وش تقول نجيب الامام يقرا الفاتحة !؟
محمد : معنديش بنت نمدها
مهدي : لا ميجيش قمر كيما الللي عندك ماتكون كان مرتي يا ريت توافق ومتزعفنيش خاطر زعافي واعر
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
