فوط ++ كومنتار
طاحت عينها عليه راقد متوسط السرير عقدت حواجبها وقربت ليه مدت يدها تمسو حلت عينيها على وسعهم
رؤية : خلااااااايا راه شاعل بالسخانة .... اييي كيفاه ضك ندير معاه !
كان العرق يتصبب من جبينو ويرجف من السخانة كان جبينو سخوون يلسع كانت وقفة على راشو خايفة حايرة وش دير ولا كيفاه تدير صونا التيليفون مرة اخرى هزاتو بلهفة لقات سامي اللي يعيط هزت ديراكت
سامي : وشي هاذا وين رحت ؟ عند 70 سنة وانا نعيط مهزيتش
رؤية : انا رؤية
سامي باستغراب : رؤية ؟ علاه وين راه مهدي
رؤية : مهدي مريض وطالعتلو السخانة بزاااااف
سامي بصدمة : مهدي ! كيفاه ؟ وكتاه .. اني جاي ربع ساعة نكون عندك اني جايب معايا الطبيب
رؤية : متطولش عيشك
سامي : متخافيش اني جاي منطولش
كوبا عليه حولت رؤية نظرها لمهدي ونحات عليه الغطا باش ماتزيدش عليه السخانة عضت شفتها من حالتو راحت للحمام تاعو شافت فيه بإنبهار كان كبير وراقي بدرجة مثااالية من اروع ماشافت عينيها نفضت الافكار من راسها وعمرت ما بااارد ڨلاص ودات منشفة وراحت لعندو قعدت بجنبو وحطت الفوطة على جبينو تنفض من بلاصتو ملسوع من البرودة
رؤية : اششششسسس مكان والو حسبك حسبك بسم الله بسم الله
كان مغمض عينيه ينهج جسمو عرقان وهو يترعد من السخانة حاسة ببرودة بقات تبدلو في المناشف حتان تعود جسمو على برودة الفوطة سمعت لاصونات تاع الباب راحت تجري لغرفتها لبست اسدال ودارت نقابها جات تحل الباب كان مغلوق حتى المفتاح مكانش
سامي : انا سامي سامي ... حلي الباب اني جبت الطبيب
رؤية : الباب مسكر والمفتاح مكانش
سامي : اكي مدايرة نقابك !؟
رؤية : ايه
شافت في الباس اللي تحرك ودخل سامي اللي كان عندو نسخة من المفتاح عطاهولو مهدي نهار شرا الابارتومون اول مرة مع قابلاتو نزل راسو
سامي : السلام عليكم
رؤية غاضة البصر : وعليكم السلام
سامي : وين راه !؟
شورتلو رؤية على غرفتو جات تدخل حبسها سامي برفق
سامي : ريحي هنا برك منطولوش
هزت راسها بإيه ومشات للصالة قاعدة على اعصابها وتدعي
رؤية بهمس : وضك انا لاه راني متقلقة عليه ! زعما حبيتو ! اوووو لالالا منجرأش حتى نفكر فيها هاذي وين نحبو ! ماشفت منو خير غار العذاب اصلا اي واحد كان مريض راح نتعامل نفس المعاملة ونخاف عليه حتى ...
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
