فوط + كومنتار
جاد : مالقيتهاش ايما والله مالقيتها تقول الار ض تشقت وبلعتها
سعاد : اييي وش حبيت لازم ترجع .. خليها في راحتها
حلت عينها على وسعهم وشافت فيه
سعاد : متقليش حبيتها !!!!
جاد : ايه حبيتها ايما حبيتها قلبي حبببها
خبطت فخاذها تولول
سعاد : يطيح سعدك يااولد عبد الله راهي مرت
المدييير تاعك .. تخوون الامانة !!!
جاد : هو اصلا طلقها من زمان ... اصلا ميحبهاش تزوجها غار باش يدي ثارو من باباها عن طريقها
سعاد بصدمة : ونتا منين عرفت ان شاء الله !!! هاذي امور زوجية بين اثنين وش عرفك !!!!
هرب بعينيه عليها عيطت فيه
سعاد : اننطططططق او ولد كررشي وش كااين !؟
جاد بانفعال : هااااا وش تحسبللك نتيا ابنك محاسب ولا نائب مدير ! نيفو باك !! علابالك وش خدمتي !!! جاسوس .. جاسوس ! نجيب الاخبار لمسيو مهدي .. اي حاجة يبغي يعرفها على كاش واحد نجيبها من نهار ولد .. وانا اللي سلمتهالو بيدي وكنت نجيبلو اخبارها وين تروح وعند من راحت انا اللي عطيتهالو وسلمتها بيدي ليه ... علاه وش تحسبلك هاذ العز والدلال والدار اللي كسبناها بعد ما كنا تحت الحطب والنيلو !! خواتاتي باش زوجتهم !؟ البقر باش شريتهم !
ناضت سعاد تشوف فيه بصدمة ميش مأمنة
سعاد ببكاء : الله يحرم الماكلة اللي كليتها من مال الحرام منزيدش نحط لقققمة في فمي كي عادددت هكذا وراني غضبانة عليك ليوم الدييييييين مربيتكش هكذا مربيتكش
جاد : يما انا ك........
سعاد : ماننيش يماك منيش يمااااك راني متبرية منك .. انا ابني مات .. ابني ميش شيطااان
هزت عينيها فيه تشوف فيه بانكسار
سعاد : تسما هاذ السنين كاملين معيشنا بمال حرام !! تدمر حياة ناس باش تدي الصوارد !! تسما ..!! تسما ماصال نتا اللي كنت السبة في اللي وصلاتو والحالة اللي كانت فيها .. مربيتكش هكذا .. عمري ربيتك هكذا شحال من حياة دمرت هااا !؟؟؟
شاف فيها بفم ساكت قلبو يتعصر من الموقف اللي تحط فيه عمرو توقع يفصح على طبيعة خدمتو بهاذ الطريقة شافت فيه بخيبة وطلعت لغرفتها
شاف في طيفها وخبط الطابلة اللي كانت قدامو بكل قوووتو
................................
شعل القارو لاحو في فمو وهو يتبسم قاعد في الفوتاي حاط رجل فوق رجل
جمال : واخيرا لقيت اللي يشاركني دفع ضريبة دماىك يا مهدي راضي
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
