فوط + كومنتار
جمال : مهدي راضي بتهمة الرشوة والاتجار بالمخدرات
" علامن علامن ترفع دعوى ! مهدي راضي ! اك سامع وش راه يخرج من فمك ! هاذا اتهام كبير
جمال : ايه اني سامع هو اللي لفقلي التهمة وحطلي المخدرات في بيتي و رشى رئيس المعمل الجنائي باش يتلاعب بالمساحيق كيما يحب ويشتي
" الدليل ! "
جمال : مهدي راضي قالهالي بفمو . دير تحقيق مع المعمل
اصدر الضابط القرار باش يحققو وجمال يتبسم بخبث
" مسيو جمال خالدي تقدر تتفضل ... قبل ما نزيدو نلقيو عليك القبض بتهمة الافتراء ... لأنو حققنا ورئيس المعمل الجنائي اكدلنا وورالنا اللي كانت مسحوق سكر من الاول البلاغ اللي تقدم اللي خاطئ تفضل "
شاف فيهم بحقد وزير على يدو وخرج
جمال : اصبر عليا امهدي راضي .. كون منكويلكش قليك منتسماش
صونا تيليفونو جبدو كان نيميرو بريفي عرف صاحبو من صوتو
مهدي : واقيلا مزالك ما شهمتش وحاب تلعب بذييلك مع سيادك !؟ هاذ المرة اني سامحتك معليش المرة الجاية تلفقلك تهمة تعدمك باش يكون في علمك ... العب مع اللي قدك برك ماتخربش في اللي كثرمنك
جمال : اصبر برك عليا ا مهدي راضي كون ما نشويلكش قلللبك بالعزيز عليك منتسماش جمال خالدي
مهدي : اللي قدرت عليها دييرها تشااااو
كوبا عليه خبط جمال التيليفون بقوة كسرو
💕💕💕💕💕💕💕💕💕💕
عند رؤية
هزت الطباسا دارتهم كامل في بلاطو وداتهم للكوزينة
سهلة : حوووووجي علاه عليك ا بنتي .. هانا 4 نسا الله يبارك كون خليتي جبناهم حنا كون يشوفك مسيو مهدي ميعجبوش الحال
رؤية : معليش خلي نعاونكم مليت وانا قاعدة هكذاك
شمرت روبتها في مسلانها وحلت العين
سهلة : مدام وش تديري !؟
رؤية : رايحة نغسلهم
سهلة : اخاااه والله ما تمسيهم
رؤية : لاه تزربي تحلفي !؟؟
سهلة وهي تدز فيهم : والله ما تمسيهم ا مدام لاه وين صرات هاذي روحي ريحي ضك حنا نتكفلو بالكوزينة
رؤية : والله ياخالتي سهلة ما اسميش مدام كون سماتني ماما مدام كون قتلك ... رؤية برك تكفي والله
سهلة : هههه مزال متعودتش .. روحي بنيتي ريحي ضك تغسلهم مايا و سلمى
رؤية : اكي كي حلفتي برك المرة الجاية والله ما تحشيلي كي نحب ندير حاجة خليني منقدرش نقعد راقدة ونوكل وخلاص منيش موالفة هكذا .. واقيلا تحوسي تقلبيني فيلة نوكل ونرقد مندير والو
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
