فوط + كومنتاار
عماد بدهشة : ملاك !!
اللي قدامو ماتكون غير ملاك بلون العسل وجهها صافي يلمع بيوضة وشعرها أحمر ناري طاح كلو على وجهها كي تخبطت فيه وطاحت عليه فاق من عاصفة جمالها اللي خدراتو كي دفعاتو بعنف وناضت تعيط وتوكل في رووحها
" أعمممممممى ! !!! أعمممممى ! متشووفش ولا حمار ولا وشنهي ! "
حل عينيه بدهشة من وقاحتها قال بلي ملاك !! احذفو هاذ المصطلح رجاءا لانو هاذي ابعد ما يكون على انها ملاك هاذي الوقحة سليطة اللسان ما تستهالش تتلقب بملاك
ناض نفض الغبار اللي لصق في قشو وهو يخزر فيها بحددة
عماد : انا حمار يا بقررة ! ! انا اللي خبطتك ولا نتي اللي نطحتيني زي البقرة
هزت سبابتها في وجهو بحركة عنيفة وهي تعيط مقلقة
" انا بقرررة ياعتروس الزرايب ! "
حمارو عينيه من وقاحتها وقلة تربيتها وكلامها الفظ قبض عل. يدو بقوة قبل ما يفقد السيطرة عليها وتخلاص عليه ماد يدو على طفلة تبسم بسخرية وشاف فيها من الفوق للتحت
عماد : هه وش نتوقع من شيطانة حمرا كيما نتي
حلت عينيها على وسعهم من اللقب اللي بدعها بيها شورت على روحها بسباباتها
" انا شيطانة حمراااا !؟؟ اناا !! "
حط يديه في جيابو وتبسم باستمتاع كي شافها تقلقت
عماد : ايييه وشكون هنا من غيرك شيطانة براس أحمر
" نتاااااا ياوحد ال...... "
ثطع كلامها صوت ثالث اللي عيط على طولو بفدة ينهي هاذ النقاش
" بللع نتا وياها ! "
عماد : اسمحلي مسيو سليم بصح هاذ الحمرا هي اللي غلطت وتقلل ادب معايا
اشارت لنفسها بعينين متسعين بذهول
" الهدرة هاذي ليا !!! ... بااااابا زعككككو ولا نقلك ! متقطعلوش رزقو خليه يطلب مني السماح "
عقدت ذرعيها تحت صدرها وطلعت حاجبها بغرور
عماد : انعم .. انعم مسمعتكش مليح ! انا اللي نطلب منك السماح !! شوفي يا بنت الناس انا مغلطت معاك منطلب منك السماح وتطبقي نتي اللي جيتي زادمة ديراكت ما تشوفي لا قدامك لا وراك
شاف المدير في عماد بتعجب من كبريائو وطريقتو في الكلام يعرف بنتو مدللة ومتعجرفة مغرورة لابعد حد هو قريب يهبل من تصرفاتها تنهد بضيق
سليم : تفضل. مهدي روح للبيرو تاعك
هز راسو بإيه وراح شافت في باباها بصدمة وغيض مكانتش متوقعة هاذ ردة الفعل منو
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
