فوط + كومنتار
جاد : ههه اوك خوياا ... مهدي معتصم خو رؤية ..
مهدي بحدة : المداام .... متذكرش اسمها
جاد : قصدي خو المدام راح عند واحد مفيوزي وسمو كريم بصح حكمناه وراه في المستودع تاعك
مهدي : ضك نقضي شغالاتي ونشوفو ترا معتصم وش راه يحفر
جاد : هاذي هي الاخبار حاليا
مهدي : ايا صحا
كوبا عليه رش البارفان وخرج شاف مع الارض نظيفة الدار مرتبة شاف في بابها كان مغلوق موش عارف اسكو هو اللي يخوفها ولا هي اللي ولات تخوفو ضربت في نيفو ريحة بنينة جاية من الكوزينة لقا في الطابلة الي ثم حليب وبسبوسة تبسم لا ارادي مبعد فاق مع روحو رسم ملامح الجدية وجا خارج مبعد رجع راح للبلاطو تاع البسبوسة نقص منهم كامل شوي شوي باش متبانش بلي كلا ...
كلا بالزربة وعينيه على بابا شمبرتها غسل طبسيه وخرج
❄️❄️❄️❄️❄️❄️❄️❄️❄️❄️❄️
كان يدور في الصالون هاز التيليفون يعيط لهشام اللي محبش يهز عيطلو فايت 30 آبال مهزش خبط التيليفون في الفوتاي بقووة شاد شعرو
معتصم : وييين رححت ؟؟
محمد : وش بيك غير الخير !!!
معتصم : وااالو غار متقلق على رؤية وش تكون تدير ضك زعما ؟؟؟ سمعت بالشي اللي دارو في هند وانا خايفة يأذيها وهي رقيقة كيفاه يقدر الانسان يأذي وحدة طيبة كيما رؤية انا لحد الان ما شفت اطيب واحن منها
الهام ببكاء : توحشتها .. توحششت بنيتي كون راهي تدور لهنا كي النحلة من ڨرنية لڨرنية
محمد : لاه دورتوها ضك ندال وغواث خليو الطفلة ... واقيلا حاسبينها صح ضعيفة .. لسانها دوا يا جماعة دوا لكل جرح .. رؤية الشيطان وتوبو بنتي ترباية يدي ونعرفها ايمانها بربي قوي
معتصم : ايه صح .. بصح لازم نشوفها بعيني باش نتطمن
الهام : رميسة مسكينة رايحة تموت من قهرتها عليها كل يوم تبكي عليها ترقد بيها تنوض بيها .. جيبوولي بنتي جيبوهالي
عنقها محمد ومسحلها دموعها
محمد : راح نرجعالهك ا الهامي وهذا وعد مني ليك
......................................
يشرب من فنجان القهوة يخزر في الشاب اللي قاعد بتوتر متوالو
جمال : وين شفت بنتي ؟
مهدي بتوتر مزيف : شفتها صدفة في الكافيتيريا مع صحاباتها وبصراحة عجبتني من ذاك الوقت وانا نتبع فيها
جمال : ههه ولاه راك متوتر هكا هه
مهدي : ههه اول مرة نتحط في موقف كيما هاذا معلاباليش وش نهدر ولا وش ندير
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
