فوط + كومنتار
مهدي : على سلامة الهربة تاعك ... وين بيها ضك ا مدام رؤية مهدي راضي !!! وين تزيد تروح مرتي العزيزة !؟ واقيلا ما قالولكش بلي حرام عليك تخرجي بلا شوار راجلك
دارت ليه وهي تشوف فيه بصدمة كان واقف في الباب بطولو وعرضو بكل برود كأنو جبل ما يتزحزحش جبدها معتصم حطها ورا ظهرو
معتصم : راح تتحاسب ع الشي اللي درتو فيها كاااامل مدام جات عندنا ميش راح تخرج منا
مهدي بسخرية : لالا سي معتصم ميجيش يكفي رجل وحدة مكسورة بلا ما نزيدولك هم الثانية.
دار مهدي لي قارد اللي كانو واقفين في الباب ومنظلين روسهم
مهدي : انزلو لتحت
راحو من ثم غلق الباب وشاف فيهم بابتسامة دخل للصالون براحة تماما كأنو في دارو راح قعد فوق الفوتاي حط رجل فوق رجل بكل عجرفة شافو فيه كلهم وكانت نظراتهم في زوج حقد ما عدا رؤية
مهدي : ها يا نسيبتي مكيش رايحة تضيفيني بفنجال قهوة ! راني اول مرة نزوركم بعد الزواج
الهام : تشرب الزقوم والماء الحميم ان شاء الله
حلت رؤية عينيها على وسعهم تكلمت لا ارادي
رؤية : بعييد الشر
شاف فيها معتصم و الهام بصدمة اما مهدي تبسم في سرو
رؤية بخجل : قصدي .. حرام اماما تدعي كيما هاذ الدعاء موش ساهل ... تحسبلك الزقوم والماء الحميم حاجة هينة ! تدعي بيها لانسان
هز مهدي تيليفونو شكل رقم
مهدي : اهلا سامي ... اسمع مد للموظفين كامل كونجي يومين
كوبا عليه و عيط للريستورون طلب كمييية كبيييرة من الغدا ... كوبا من زاد عيط من طلب قش ورما تيليفونو فوق لاتابل شاف فيهم واقفين مشهدين فوق روسو
مهدي : لاه راكم واقفين كي الشمع اقعدو ريحو شوي الدار داركم رؤية ارواحي
حط يدو ع البلاصة جنبو رتحت بتردد كبير وقعدت بجنبو اما معتصم ڨعرو بالتخنزير ....
مال عليها وهمس في وذنها
مهدي : حسابك في الداار ارؤؤؤية.
دقدق الباب في هاذ الدقيقة تتهد معتصم وراح يحل الباب دخلت رميسة تتذمر
رميسة : اففففف مبيقتش نفهم الرياضيات نن نخا راحت رؤي..... اعععععع رررررروووؤؤؤؤؤية
رحات تجري ليها عنقتها بكل قوووووة
رميسة : توحشششتك توووووشحتك رميسة توحشااااتك ورميسة زعلانة منك خاطر رحتي مزدتيش وليتي
عنقتها رؤية والدموع بين عينيها
رؤية : اني جيت شفتك ..... مكنتش هنا برك
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
