فوط + كومنتار
دخل لمكتبو هز الملفات اللي يحتاجهم دخلت السكرتيرة اللي ثم تتزعبل
" مسيو ... محمد بوطالبي تاع قسم الحسابات يحوس يشوفك "
تسطح على ظهر الكرسي حاط رجل فوق رجل يتبسم
مهدي : دخليه دخليه متخليهش واقف برا
هزت راسها بإيه وخرجت دخل محمد وراها
مهدي : اهلا وسهلا يا عمي يا نسيبي لباس ؟ الصحة لباس ؟؟ كشما تحتاج ! وش تحوس !
محمد بحدة : نحوس على بنتي
مهدي : عيب تجي تحوس على بنتك نهار الصبوحي والله غار عيب رانا عرسان جدد
محمد : رجعععلي بنتي ا مهدي
مهدي : اوكي ميش مشكل استنى دقيقة
بقا يفركت بين اوراقو جبد شاك عمرو وعطاهولو شاف فيه محمد باستغراب
محمد : وش هاااااذا !!؟ انا منحوسش ع الصوارد نحوس على. بنتي
مهدي : بنتك ماتت قصدي يعني بالحياة ميش رايح تزيد تشوفها
محمد بانفعال : حرام عليك .... نتا شيطان ماكش بني آدم نتا
مهدي : هاذ الهدرة شي وين راني سامعها ... اااه ايه بنتك حڨا هي اللي قالتها بصح خلصتها يعني كسرتلها شوكتها وذليتها نزلتها لعند رجلي
تنهد محمد بهوان نفذ صبرو على بنتو .. مبقاش يتحمل .. البارح مرقدش من حيرتو عليها يستنى في الصباح يجي بفارغ الصبر
محمد : يهديك ربي اوليييدي ترضى عليك امك وبيك رجعلي بنتي .. الله يرضى عليك رجعلي بنتي راه قلبي تشوا وكبدتي تشوات عليها ... نهار يجيو وليداتك تحس بالشي الي راني نحس بيه
مهدي ببرود : اخرج
محمد : مس...
مهدي : قتللك اخخخرررررج برااااا
محمد : والله نرجعها يا مهدي راضي .. نرجععها ونقتللللللك
مهدي : يا حرام ... ويهون عليك قلبك ترمل بنتك !؟
محمد : الايام بيناتنا ... ربي وكيلك ربي وكيلك ربي يجيبهالك في العزيزة على قلبك
خرج من ثم ودموع القهر على خدو بقا مهدي يشوف في اثرو بشرود غمض عينيه ورجع راسو للخلف متكي على الكرسي تنهد وماصى جبينو ... ؤفع رجليه للمكتب حل البي سي تاعو يشوفها وش راهي تدير
حوس عليها وشمن بلاصة راهي من الكاميرا كانت تحت الباب ضامة رجليها لصدرها وتبكي ... زوما التصويرة يخزر فيها يستنى فيها وكتا تهز راسها
مهدي : ابكي .. وفري دموعك للايام جايين سوء حظك رماك عندي
هزت راسها مسحت دموعها بذرعيها كيما الاولاد الصغار حطت يدها على خدها المنفوخ تتحسس فيه ... ركز نظرو على عينيها رموشها الطوال المشمخين بدموعها خدودها ونيفها اللي حمارو من البكا كانت في هيأة مغرية تأفف وغلق البيسي طول رماه بعيد هز تيليفونو
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
