فوط + كومنتار
رؤية : انا قابلة
مهدي : bon response
رؤية : بصح عندي 2 شروط
مهدي ببرود : اللي هي !!
رؤية : تبعد على عايلتي بعد السما ع الارض ومتأذي حتى واحد
مهدي : ساهلة هاذي زيدي الثاني
رؤية : زواجنا يكون غار ع الورق ... لمدة شهر
مهدي بانفعال : انعععم شنهي شنهي !!! هاذي مكان لاه تخممي فيها
رؤية : الله يرضى عليك ا مهدي هاذي برك ربي يقضيلك الحاجة اللي في قلبك الله يسترك
لأول مرة في التاريخ يحس بمعنى إسمو نطقو من فمها جات عندو نغمة حاجة تحر....
نفض افكار اللي بدات تسيطر عليه
مهدي : لمدة شهههر برك شهر لا اكثر ولا اقل تولي مرتي شرعي وندي حقي
رؤية : اي اي
مهدي : متفرحيش بزااف ذاك اليوم راح يكون يوم اسود علييك
كوبا عليها وهي ضمت رجليها لصدرها تبكي دافنة راسها بين رجليها تبكي بالشهقة نادمة ع الخطوة اللي خطاتها وتسرعت فيها خايفة من الشي اللي يصرا اذا جاز شهر .. خايفة يصرا فيها كيما صرا لهاذيك مسكينة هند .... بصح اهم شي عايلتها مدام نفذ الشي اللي هدد بيه وقاس معتصم مستحيل يتردد يأذي امها ولا باباها ولا اختها ... عرفاتو بلي شيطان على هيأة انسان تاع الصح ... اللهم تسلك هي وتتحمل هي وماتجيش في عايلتها
سمعت صوت حس قاوي برا غرفتها مسحت دموعها وناضت لاحت اسدال على راسها وخرجت لقات ذراري الكارطي طلعو معتصم داوه لغرفتو وخرجو بعد ما تمناولو الشفا ... كانت امو وباباه واقفين على راسو والهام تبكي وتمسح على وجهو ورميسة متكية على صدرو تمسح على جراح وجهو والدموع يطيحو بالساكت ... راحت تجري لعندو عنقاتو بكل قوتها حالتو شقتلها قلبها رجلو مكسورة ويدو معلقة ووجهو وجشمو كامل جراح ..
رؤية : معتصصم .. معتصصم يا خويا سامحني سامحني انا السبة والله غار انا
ضحك ومسح على شعرها بحنية
معتصم : عندك بارمي ومقتيليش ا حلووفة !! سير كنتي تتعلمي وخبطتيني كي كنتي تسوقي
ضحكت ومسحت دموعها
رؤية : عندك سطر ؟؟؟
هز راسو بنفي : واللي عندو عايلة كيما نتوم يحس بالوجع ؟؟
رؤية : اسمحلي ا معتصم كون مرحتش للشركة وصرا اللي صرا مكانش مهدي دار هاذ الشي انا السبة
معتصم : اشششش هكذا مكتبة من عند ربي .. هاني لباس عليا شهر ولا شهرين نحي الجبيرة مزية جات في اخر يوم اختبار برك .. بصح راح ندلل عليكم طول هاذ الفترة
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
