فوط + كومنتار
رؤية : دقيقة برك اني جاية متروحوش
دخلت لغرفتها ورجعت هازة قرعة صغيرة في يدها شدت يدين باباها ودارتلو المسك في رسغو وفي خدودو و زادت شدت يد مهدي تدير في رسغو وهو غار يشوف فيها غمزت الهام محمد اللي كان يشوف فيهم بتعجب تأكدلو اللي شافت
اتكلو على ربي وخرجو والبشاشة في وجه مهدي ميش نورمال ... حس روحو هااذا وين ولد كي رجع لطريق ربي وصفى قلبو وولى للطريق المستقيم ... موش مأمن اللي بعد هاذ الظلام اللي كان عايشو يجي النهار اللي ينوض يصلي الفجر ... شاف في محمد اللي كان يمشي بهدوء .. تبسم بفرحة من الشي اللي راه يعيش فيه ضك في دار بسيطة اسرة صغيرة مليانة سعادة وفرح عكس حياتو الخاوية اللي كان عايشها وحدو .. واكيد ميش رايح يعاود نفس الغلطة ويكمل بغباء راح يصلح علاقتو بربي وبزوجتو ومع العباد كامل
محمد : هههه شكون قال بلي يجي نهار ونشوفو مهدي راضي مداير لاشان في مخبزة بسسسيطة كيما هاذي باش يشري كرواصون تاع الف للفطور
مهدي بهدوء : مهدي راضي كان زمان معندوش هاذ الالف فرنك باش يشري وحدة خبز ماشي حتى كرواسون ... خبز يابس ومكانش
اكتفى محمد بالصمت وكلام الهام اللي حكاتولو على حياتو يتعاود في راسو شاف فيه بحزن وصلت دالتو شرا الكرواصون كمية كبيرة وملفاي ثاني جا محمد يسلك محبش مهدي خرجو من المخبزة الصغيرة الشعبية
محمد : ضك نجي نروح نشري الكانطالو لرؤية ونجي تشتيه تموت عليه
مهدي : ضك نجي معاك
محمد : خويا صالح ديرلي وحدة كانطااو تكون مليحة وحلوة
مهدي : دير 3 وزيد معاهم وحدة دلاع وزوج كيلو بنان وفراز ... ااا وزيدلي 3 كيلو كرطوس خيرلي حبات ملاح ودير حبة انانس الكبيرة فيهم خلاص
شاف فيه محمد عاقد حواجبو جبد الصرف اللي في جيبو ميكفيش للشي اللي طلبو كامل والفاكية غالية وزاد كمل عليها بالاناناس
دارلهم صالح كلش وش طلب
محمد : صالح زيدهم مع الكريدي اللي عندي يومين برك ونجيبلك حقك
مهدي : تفضل اعمي ... وزيد اخصم منو الكريدي تاعو والباقي خليه عندك
محمد : كون ......
مهدي : سلكت وخلاص مدامني عندكم ومع مرتي انا اللي نصرف
محمد بغضب : مرتك هي بنتي
مهدي : بصح رجعت مرتي وانا المسؤول عليها
محمد : طلقها مهدي
مهدي : ويهون عليك ترجع بنتك بلقب مطلقة فهاذ العمر الصغير وفوسط هاذ المجتمع !؟
محمد : بنتي ع العين والراس ميهمني في حتى واحد ... لقب مطلقة ولا الشي اللي راك تديرو فيها خايف عليها تدير فيها كيما درت لهند وبنتي متستاهلش هاذ الشي اصلا انا لضك مزلت منيش فاهمك .. نتا عندك انفصام في الشخصية ولا وشنو !
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
