فوط + كومنتار
السلام عليكم البنات شكراااا لكل وحدة تحيرت عليا وجات سقسات عليا مارسي بزاااف غبت هاذ المرة بزااف وكل واحد وظرووفو السمانة هاذي جازت شوية صعيبة ضغط كبير عليا نرجعو للكرونيك تاعنا راح نحاول نعوضكم ع السمانة اللي محطيتش فيها
رميسة : عمو مهدي باس رؤية بوسة تاع عيب في الكوزينة هنا
حلت الهام عينيها على وسعهم ومحمد حمارو وذنيه
محمد : نوضي احكمي بنتك قلها تلم روحها هي وياه
هزت راسها بإيه وناضت رايحة للكوزينة وشطر ابتسامة على ثغرها دخلت لقاتهم مزالو فنفس الوضعية كان مهدي حاط نيفو على نيفيها ويدييه في زوج مدورين على خصرها
الهام : احممممممم احممم
مع حمحم بعدت رؤية عليه وهو بقا فنفس الحالة متحرك منو والو حط يديه في زوج في جيابو وهو يضحك
الهام : قالك باباك لمي روحك نتي وياه ..... رميسة شافتكم وجات هدرت
عضت رؤية علي خدها وتخبات ورا ظهر مهدي من الحششششمة عكسو هو وجها اكتسى لون الطماطم
الهام : وليدي روح بدل قشك وروح ريح مع عمك محمد وانا ورؤية نوجدو الغدا
تبسم معاها و غمز رؤية وخرج خلاها وحدها
رؤية : والله ماني انا اماما والله غار هو انا خاطية هو
الهام بسخرية : ايه هيا برك يا بريئة نوجدو الغدا
رؤية : قتلك منيش انا
الهام : لاه انا وش قتلك علابالي نتي بريئة
ضحكت الهام عليها و بداو يوجدو في الغدا .....
بعد مدة كانوا كامل مجتمعين ع طاولة الغدا من غير رؤية ومعتصم اللي من نهار جا مهدي مبقاش يجمع معاهم دخل مهدي بعد ما بدل قشو حوس عليها بعينيه ملقاهاش
مهدي : وين راهي رؤية !؟
الهام : منعرف اي مزالت في الكوزينة منعرف وش راهي تدير
هز راسو بإبه ومشا للكوزينة لقاها متكية ع البوطاجي وتشوف في الارض طرطق صباعو متوال عينيها
مهدي : وشبيك !؟
رؤية : راااني حااااشمة وين نحط راسي ضك انا متوال بابا راه في خاطري نعطي رميسة طريحة تاع كلاب
مهدي : نتي تعطيها طريحة تاع كلاب ماضنيتش نتي ذبانة متقيسيهاش تغيضك تحوسي تضربي رميسة
رؤية : اففففف هذا اكل بسبتك نتا !! ياخاااه كيفاش ندير هي شافتنا وراحت قالت لبابا
مهدي : جابلي ربي اني عاقد عليك وراكي مرتي منيش خاطفك ولا ندير في الحرام
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
