فوط + كومنتار
الهام : تحوس تنتحر
مهدي بصدمة : اه !
نترها محمد من ذراعها يعيط يخض فيها بقسوة
محمد : وش تديري وش تديري !؟؟؟ هببلتي ! جنيييتيي !!؟
مهدي : اصبر تشوف اصبري نحي يدك اك رايح تكسرها ومبعد اهدر..... نهدر معاك سيب ذراعها
شدلو مهدي يدو اللي شاد بيها ذراع رؤية شاف في عينيهاةمن تحت النقاب مدمعين
محمد : بعددد خليني نهدر معاها
بعدها مهدي من طريقو مخليها وراه مغطيها تماما !
مهدي : ضك ولات من مسؤوليتي انا اللي نتحمل مسؤوليتها
شد محمد شعرو بيدو دارو بيها فم فم يحوسو يقنعوها بالحسنى يقنعوها باللي الانتحار حرام كأنها متعرفش هاذ الشي شافت فيهم بأعين خاوية وخسرت عليهم كلمة وحدة
رؤية : فهمت
خرجت من ثم لحقتها الهام ناض سامي من بلاصتو تنهد
سامي : انا نروح هاذاك هو وقت المغرب ضك ودير بالك منها نفسيتها ميش مليحة
محمد : كون كشما يصرالها يا مهدي نقتلك وندخل جرتك للحبس نورمال
تنهد مهدي وراح للكوزينة لقاها وحدها امها مكانش كانت هازة موس كبير جرا نحاهولها من يدها
رؤية : وشبيك!؟ اعطيلي الموس اني نقطع في الخضرا
مهدي : لاه وش تديري بموس يذبح عجمي
رؤية : ها نقطع بصباعي مهدي اعطيلي الموس راح الحال وكتاةيطيب العشا
مهدي : بعدي ضك نقطع انا
بعدها من ثم وغسل يديه يقطع في الخضرا هو تبسمت شطر تبسيمة
رؤية بتمتمة خفيفة : كون منهبلكش ونخرجلك قلبك كيما خرجتولي منتسماش
الهام : يااخاه ع التبهدايل لاه نتا لللي تدير الماكلة رؤية وش هاذ الهبال
رؤية ببراءة : محبش يخليني
مهدي وهو يقطع : خلي برك موش رايح يتعبني يخي
رؤية : اذن المغرب روح اتوضا ضك انا نكمل
مهدي : لاه ونتي هيا تتوضاي نتي ثاني
رؤية : روح نتا برك ضك نلحقك
مهدي : اها هيا معايا خير
رؤية : لاه نجي معاك يخي ماكش رايح تتوه
مهدي : اني رايح متمسي حتى حاجة ضك نجي
هزت راسها بإيه عقدت حواجبها باستغراب كي شافاتو راح هز جميع السكاكين الي في الكوزينة وداهم معاه
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
