دواء قلبي {01} + {02} ... 💕رؤيته 💕 ...

البارت 18

فوط + كومنتار

في الصباح

خرج مهدي بعد ما خلى حراسة مشددة عليها وهي دارت روتينها اليومي عادي سيقت ونظفت وفرزت وطيبت الغدا وكي كانت تنظف لقات كاميرات تقريبا في كل ڨرنية تبسمت شطر تبسيمة كي خطرت في راسها فكرة

رؤية : راح نغلبك ا مهدي راح نغلبك

..........

عند مهدي

مهدي : ها وش درت فيها جاد قريب والله

جاد : مبقاش قضية يومين برك

مهدي : لازم نتغداو بيه قبل ما يتعشى بينا

جاد : كونك هاني مسيو

مهدي : كشما يمون عيطلي

جاد : ايه باينة

كوبا عليه حط تيليفونو فوق البيرو شبك يديه ورا راسو  تبسم بمكر

مهدي : قربت نهااايتك ا جمال خالدي قربت هههه .... نشوفو ترا الشيخة رؤية وش راهي تدير

حل البيسي تاعو ودخل لنظام الكاميرات تاع الدار دق قلبو بعنف كي شافها ... طاحت طول عينو عليها كانت تصلي في الصالة بخشوع بقا مركز معاها حتان خلصت علات وتيرة التنفس تاعو اكثر كي سمع كلامها اللي فتحللو قلبو وشرحلوو صدرو رفع الصوت اكثر

رؤية : ياارب انك تهدي من احببت وتهدي من تشاء من عبادك  وتضل من تشاء  فإهده الصراط المستقيم ياربي مهدي ضل عن  الطريق  فلا تضيعيه ... يا ربي أنر له بصيرته وطيب قلبه  و اهده قبل فوات  الاوان .. يا رب رده الى طريق الصواب يا إنه  غارق في بحر من المحرمات فاغفر ذنوبه قبل ان يورى في التراب فيقول ياليتني قدمت لحياتي انك على كل شيئ قدير

بقا يشوف فيها بلا ما يرمش لهاذ الدرجة ! نال قسط وفير من الدعاء ! تدعيلو بالهداية معرفش شحال من الوقت وهو قاعد مقابل البيسي يسمعلها ترتل سورة الزمر

".....(قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ)  " .......... " أَن تَقُولَ نَفۡسࣱ یَـٰحَسۡرَتَىٰ عَلَىٰ مَا فَرَّطتُ فِی جَنۢبِ ٱللَّهِ وَإِن كُنتُ لَمِنَ ٱلسَّـٰخِرِینَ ۝ أَوۡ تَقُولَ لَوۡ أَنَّ ٱللَّهَ هَدَىٰنِی لَكُنتُ مِنَ ٱلۡمُتَّقِینَ ۝ أَوۡ تَقُولَ حِینَ تَرَى ٱلۡعَذَابَ لَوۡ أَنَّ لِی كَرَّةࣰ فَأَكُونَ مِنَ ٱلۡمُحۡسِنِینَ " )

من فضلكم متسوطيوش الايات اقراوهم نتوما تديو الاجر وانا ندي معاكم

قرات نصف حزب " فمن اظلم "   طوات السجادة وبقات تذكر بصوت عالي

" لاله الا انت سبحانك اني كنت من الظالمين "
" لا اله الا انت سبحانك اني كنت من الظالمين "
"لا اله الا انت سبحانك اني كنت من الظالمين "