فوط + كومنتار
رشا : هههه راك سيريو !! انا رشا خلفاوي نتزوج هاذا ولد الكارطيات والباطيمات !!
قالت كلامها وهي تشير علبه بسبابتها باحتقار ضيق عينيه مزير على سنيه بغيظ من هاذ الوقحة اللي متوالو رما الملف فوق البيرو وقرب ليها عقدت يديها تحت صدرها تشوف فيه بتحدي
عماد بالعياط : ماكيش رايحة تلمي روحك نتي ... اني ساكتلك على خاطر الراجل الكبير هاذا اللي هو باباك وماكيش محترماتو ... بصح تزيدي تطولي لسانك معايا نطول يدي انا ثاني
شاف عماد في سليم وتبسم بسخرية يشور عليها
عماد : وهاذي شكون اللي رايح يتزوج بيها ويندب عليها شيطانة حمرا ... العم محمود الجنايني احلى منها
كبت سليم ضحكتو محافظ على هيبتو متوالهم حمحم ومشا جيهة عماد وقف مقابلو وحط يدو على كتفو يحكي بجد
سليم : عماد ابني نتا علابالك اني مداير فيك كونفيونس كبيييرة ... وعلى رأي المثل اخطب لبنتك .. فأنا بشكل شخصي ماشي مديرك نطلب منك تتزوج بنتي
شافت في باباها بصدمة ميش مأمنة اللب كان يحكي صح
رشا : بااااباااا وش هاذ الجنان هااااذا !!! رااااك من نييييتك هاذي حيااااتي ماهيش لعععبة تتحكم فيها كيما تحب نتا وتشتي
شاف فيها سليم بألم هي متحتارموش حتى متوال الناس تحكي ديما بوقاحة تجاهلها وشاف في عماد
سليم : هااا يا عماد بني وش قلت !؟
شاف عماد في سليم بلا ما ينطق حرف وغاضت على تصرفات هاذ الشيطانة الحمرا وطريقة تعاملها مع باباها ... هو كون لقى الزمان يولي لاور يبوس رجلين باباه ليل نهار وما يكرهش .. تنهد كي تفكر نهار طلب منو هاذ الطلب بالضبط
Flash back 🔙 🔙
سليم : انا نطلب منك السماح ا عناد نيابة على بنتي ... هي رشا والله غار حنينة وطيبة بصح لسانها طويل شوي مطرتين ...
تنهظ وشاف في عماد برجاء
سليم : انا طالب منك طلبة ونتمنى ماتردنيش ...
انا نحوسك تتزوج بنتي
ناض عماد من بلاصتو يشو فيه بذهول جا يهد حبسو سليم كي قعد بجنبو بعد ما تنهد
سليم : شوف قبل ما تقول اي رد .. انا الموضوع بالنسبة ليا اكبر مما تتخيل اني نعرض بنتي عليك ... بصح والله راني متحير عليها بزاااف .. رشا ضاعت ظن بين يديا وفقدت السيطرة عليها هي طايشة والطريق اللي ماشية فيها راح تديها للهاووووية دللتها حتى ساحت وبقات ما تدير اعتبار لحتى حاجة
شاف فيه عماد بعدم فهم تنهد سليم وكمل يحكي
سليم : كثرمن عشرين سنة فاتت تعرفت على سيليفيا وهي ايرلاندية وهاذا اللي اكتسبتو رشا الشعر الاحمر تلاقينا وتحابينا وتزوجنا مدة سنة برك .. سليفيا مقدرتش تتعايش مع عاداتنا وتقاليدنا وتحفظنا في ذاك الوقت اصرت على الطلاق ورفعت قضية خلع وسمحت في رشا وكلشي ورجعت لبلادها مخلية رشا في عمرها غا شهرين .. انا في الوقت هاذا كنت ورثت شوية شركات على بابا الله يرحمو وقدرت نتحكم فيها بعد عناء كبير بصح فهاذ المدة كنت خسرت رشا .. الخدمة شدتني عليها بزاف دوب ما نشوفها بالصدفة كل اسبوع يوم الجمعة برك ... منعرف حتى حاجة عليها .. مخليها عند الخدامات والمربية .. تطايش من يد ليد حتان كبرت كانت بنتي غار بالاسم ما نعرف عليها شي لا مرضت لا كلات من الخدمة للرقاد من الرقاد للخدمة حتى وقت تجي لعندي نصدها بحجة التعب ... ما قعدت معاها ما حنيت عليها ما حنت عليا كبرت وكبر جفاءها عليا ماكنتش مدايرها في بالي
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
