فوط + كومنتار
رؤية : مهددددددي ..
مع سمع صوتها دخل بفزع مقدرش يخبيه وقف مقابلها لقاها لباس عليها وعقلو كان صورلو اسوء السيناريوهات شاف الدموع في عينيها
مهدي : وشبيك ؟؟
بلا سابق انذار ارتمات في حضنو وهي تبكي راسها عند صدرو غمض عينيه بهدوء من الاحساس اللي حسسو هز يدو رايح يبادلها قبض على قبضتو بقوة وبعدها عليه برفق
مهدي : وش كاين ؟
رؤية : هاذا كان يحوس ينحيلي النقاب و قشي
" لالا مسيو ماشي كيما فهمت المدام .. ياك علابالك هاذي هي الاشعة .. السكانار هاذا وش يتططلب ماشي كيما فهمت والله "
مهدي : خلاص اخرجو وخليو ممرضة وحدة
هز الطبيب راسو بإيه خرج هو والطاقم الطبي تاعو من ثم ... بعد مدة خلصت الاشعة تاعها رجعت نقابها وهندمت قشها وخرجو ناض الطبيب كي شافو خرج
مهدي : خلصنا والاشعة لداخل
" اوكي .. راح نبعثهم للدكتور الفرد في بريطانيا والنتيجة تخرج بعد اسبوعين ولا 3 كأقصى تقدير "
مهدي : اوكي
....................................
في بلاصة بعيدة تماما ع المعتاد في قرية في دوار من الدواور خرجت من الكوزينة الفولارة على راسها كي لمحاتو جا ... باسها من راسها بمعزة تبسمت معاه بطيبة
سعاد : مقتيليش شكون هاذيك اللي جبتها قبيل
جاد : هاذي امانة ايما لازم نحافظو عليها
سعاد : شحال رايحة تقعد ؟
جاد : والله معلابالي ايما المهم راهي امانة في رقبتنا اذا كشما صرالها مسيو مهدي يمسح بينا العوافي
سعاد : بعيد الشر تف تف .. متخصها حتى حاجة ان شاء الله برك عزت عليا مسكينة من قبيل وهي راقدة جسمها مهلوك بالجراح باينة دات ضرب كبير
جاد : منعرف ربي اللي يعلم ضك نجي
جا طالع حبساتو
سعاد : وين رايح ؟
جاد : رايح نضرب عليها طلة برك
سعاد : والله !!!؛!!! من وكتا نتا تدخل على حرمة الناس ؟ ا ولد احمد ..... راه حرام عليك ا ولدي
تبسم جاد بسخرية ! على كلمة حرام اللي شبع فيها هو ! كون تشمع الشي اللي راه يدير فيه وش يصرا فيها ؟ في بالها خدام عند رجل من رجال الاعمال الكبار في منصب راقي
تراجع ورجع هاذوك الدرجات
جاد : معليش .. نسيت روحي برك .. طلي عليها مالا معاك ايما اني رايح وحد اليومين ونرجع باش نقضيلكم
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
