فوط + كومنتار
في الكلينيك بعد يوم
سميحة : رعبتني عليك اوليدي .. كون ميش مهدي اللي قالي بلي درت اكسيدون وجابك لهنا منسمعش
سامي : شدة وزالت ا يما
سميحة : ايه وش قال........
قاطع كلامها دخول الممرضة منزلة راسها
" السلام عليكم "
سميحة : وعليكم السلام
" جيت نبدل السيروم للمسيو "
سميحة : اه ... جوزي جوزي اني بعدت
بعدتلها ع الطريق بدلتلو السيروم وعينيها مهزتهمش شافت فيها سميحة مكيلتها من الفوق للتحت تدقق في ملابسها وجهها حتان خلصت
سميحة : صحيتي بنيتي
هزت راسها بإيه وخرجت
سميحة : شفت هاذ الفرملية تاع ضك !
سامي : توبة استغفر الله لاه من وكتا انا نشوف في البنات محسوب جاي نخطب
سميحة : اها ماشي قصدي .. تبان متربية وبنت ناس راسها مهزاتوش فيك الحق تاع ربي دخلت قلبي هز صحتك نروحو نخ......
سامي : يما راه اليوم راح نفتح على بنت محمد
سميحة : ااه نسيت ... بصح كيفاش تروح بهاذ الحالة .. اجلها
سامي : وين نأجلها ... مهدي مايستناش دقيقة
سميحة : راه حاط لي قارد برا واحد قد الجبل منعرف لاه
عقد حواجبو باستغراب وناض يطل جا خارج منعوه
" هاذي اوامر مسيو مهدي منقدروش نخليوك تجوز حتان يأمر الباشا "
خبط الباب بقوة ودخل
سامي : عرفتتو ضربني بالذمة باش ندخل سبيطار ويلقى رايوو
سميحة : اااااه !!! يا كيتي !!! هو اللي ضربك ؟
سامي : ايه مالا شكون .. ضربني باش منتزوجهاش
سميحة: اللطف يا ربي .. خلاص فكك من مشاكل الناس ربي يهديه هاذا مكان
سامي : ربي يرحم ويستر المخلوقة اللي رايحة تطيح بين يديه
سميحة : امين يا ربي
❣️❣️❣️❣️❣️❣️❣️❣️❣️
كانوا قاعدين على احر من الجمر محمد ما راح يخدم ومعتصم ماراح يقرا في النهاية مصير وحياة اختو ورميسة نفس الشي يستناو في الوقت اللي يجي فيه سامي
معتصم : ماشي طول شوي !!! مايكونش زعما جبد البساط اخر لحظة ؟؟ قتلك معندو مداك للبراني الله اعلم وش راه يخطط هو وصاحب.
محمد : سمعنا سكاتك اصبر ضك نعيطلو
شكل الرقم تاعو يعيط مهزش كرر مرة وزوج وثلاثة والو مهزش
أنت تقرأ
دواء قلبي {01} + {02} ... 💕رؤيته 💕 ...
Ficção Adolescenteلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
