ارتفع صوت اذان الفجر الاول وصدح في كل بلاصة ماينوضولو غار المختارين من عند ربي ... ناضت رؤية اول حاجة دارتها لمت شعرها وبعدها سبغت الوضوء صلات الفجر وراحت للكوزينة طيبت القهوة والحليب و عجنت السفنج ... وراحت نوضت باباها ومشات تطيب السفنج
محمد : صباح الخير رؤية
رؤية بابتسامة : اوو صباااح الفل والياسمين اني زعفانة منك يلا معلابالكش
محمد : علابالي علابالي بلاما تقولي كي مافطنتش للفجر ... والله غار نروح عيان من الخدمة ومهدود الله لاتربحه مهدي راضي هاذا هلكنا يعاملنا تقول عبيد عندو طاغية ..
رؤية : لالا بابا ماتدعيش عليه ... ادعليو ربي يهديه
محمد : ان شاء الله يا ربي ان شاء الله
رؤية : هيا افطر نتا بيد مانوجدلك الحمام .... اااه حقا ويني ماما ؟
محمد : راحت تنوض رورور ومعتصم بالله
هزت راسها بإيه وراحت وجدت حمام لباباها رجعت لقاتهم كامل مجمعين على الفطور
رؤية : صباح الخير
معتصم : صباح الانوار يانوارة الدار
قعدت رؤية معاهم في الفطور تسمع غار صوت الضحك والتقزاب .. اسرة صغيرة وسعادة كبييرة ..
محمد : الحمد لله ... انا نروح للخدمة
معتصم : ايه وانا ثاني يا ربي
رؤية : هيا رورو خلصي فطورك باش نوصلك للمدرسة
خرج محمد ومعتصم كل واحد لشغلو وبعدهم رؤية اللي وصلت رميسة للمدرسة وراحت للمارشي شرات شوي قضيان للدار وزربت رجعت باش تعاون امها
❄️❄️❄️❄️❄️❄️❄️❄️❄️
في بلاصة اخرى وبالضبط وين شركة مهدي راضي
دخل مهدي هو وصاحبو سامي ... سامي منزل عينيه في الارض متجنب النظرات للنسا ومهدي يتفرج فيهم بكل جرأة بنظرات مقززة دخل لمكتب تاعو تبعو سامي ثاني
مهدي : هااا مالك ا شيخنا يخي عندك البيرو تاعك .. خي مجبتكش ونسيتك ؟
سامي : الله يهديك ... جيت علاجال الدوسي تاع الصفقة الجديدة
شاف مهدي ببرود تام .. حل الدرج وعطاه الدوسي
دقدق الباب اذنلو مهدي انو يدخل دخل راجل ببنية قوية
مهدي : اتفضل اتفضل ا جاد الدار دارك
جاد بتوتر : احمم صباح الخير مسيو
مهدي : هاذا الوقت كامل علاجال باش تلقا#$#
جاد : يومين برك
هز مهدي حاجبو : هات برك لهنا
أنت تقرأ
دواء قلبي {01} + {02} ... 💕رؤيته 💕 ...
Ficção Adolescenteلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
