فوط + كومنتار
مهدي : وشراكي تديري عندك ؟؟؟
حلت عينيها على وسعهم مصدومة حست برقبتها تشنجت مقدرتش حتى تدور تشوف فيه ولا تشوف وجهو رجفة سرات مع جسمها من صباعها لراسها وقلبها يدق بقوة قريب يخرج من بلاصتو
مهدي : لاه سكتتي ! القط كلى لسانك واقيل ؟دوري
عضت على شفتها بقوة ودارت ليه لقاتو متكي ع الباب عاكس رجليه وضام يديه لصدرو شبكت يديها بتوتر ورا ظهرها تشوف فيه بذعر اما هو بقا يشوف معاها .. مع شعرها اللي كان مطلوق هاذي ثاني مرة يشوفو مع لبستها المحتشمة مالغري وحدها لابسة روبة مستورة ....
مهدي : اني نسمع
رؤية : انا. . كد.ك... ك.ن..
مهدي بحدة : متأتأيش قتلك وش كنتي تديري ثم ؟ وش دخلك لشمبرتي ؟
مشا قعد فوق البونك يخزر فيها مستمتع بخوفها وجهها هرب منو الدم عينها ميش قادرة تحطها فيه
رؤية: انا . ك .نت. كنت.... نظف في الشمبرة .. وطبقت القش تا. تاعك
طلع حاجبو بزاوية عالية : والتيليفون اللي ورا ظهرك !؟
رؤية بلهفة : والله . غار كنت رايحة نعيط لماما برك توحشتهن ... الله يسترك خليني لشتا نسمع صوتها برك ومنهدرش الله يرضى عليك
مهدي بحددة : هاتي التيليفون لهنا !
رؤية بغصة : بصح ......
مهدي : قتتتتتلك هاتي التيليفون متخلينيشش نكثر الهدرة معاك
زمت فمها كي الاولاد الصغار حابسة بكيتها تخرج تبسم على منظرها الطفولي مدتلو التيليفون محاوذيك الابتسامة
مهدي : اقعدي هنا !
شافت ليدو اللي حاطها ع البلاصة اللي بجنبو
قعدت بجنبو وبعدت عليه شوي متجنبة الملامسات خبا تيليفونها وجبد تيليفونو مشكل رقم مدولها ... حلت عينيها على وسعهم كي لقاتو رقم باباها شافت فيه بفرحة حقيقية
محمد : الو السلام عليكم
رؤية بهدووء : وعليكم السلام ورحمة الله يا ابو معتصم
محمد : رؤييييية !؟؟
رؤية : هههههه ايه انا يا بابا انا رؤيتك
محمد بلهفة : رؤية يا بنتي يا روحي وعينيا وشراكي لباس ؟؟؟ وين راكي نجي لعندك؟؟ توحشتك ا زينة قلبي ونوارة داري
رؤية : لاباس لاباس الحمد لله امي لباس ؟ رميسة ؟ معتصم وش راه داير فيها؟
نحا معتصم التيليفون لباباه
معتصم : : رؤؤية وش راكي ! خيتي ؟ لباس ؟؟ هاذاك الشيطان يخي ما دارلك والو ؟
رؤية : استغفر الله ... عيب ا معتصم حرام
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
