فوط + كومنتار
كانت هديل تشوف فيه بتوتر وهي قاعدة بجنبو مزيرة على ذراعو ... اما هو يشوف في ذيك المرأة بهدوء موش عارف سبب الزيارة اللي مهيش تاع خير اطلاقا ...
اما ذيك المرا كانت قاعدة بعنجهية اللي يشوفها يحس كأنو رجع بالزمان للخلف قاعد متوال امرا من المجتمع المخملي القديم لابسة جيب كلاسيك وفاست كلاسيك شعرها ابيض قصير لعند كتافها مليسي ومسرح حاطة رجل فوق رجل وصباط طالون وهي تشوف في هديل من الفوق للتحت بتكبر وغرور واحتقار ...
ادريس : خير مدام سميحة وش سبب هاذ الزيارة المفاجئة
بعدت عينيها من على هديل تشوف في ادريس ببرود
سميحة : بنت بنتي
ادريس : مفهمتش
سميحة : بنت بنتي سيرين اللي ما صدقت ماتت رحت جبت هاذي شي منين لڨطتها
ناض من بلاصتو يعيط مقلق
ادريس : مدااام سميييييحة انا محترم انك جدة بنتي وفي داري بصح منسمحلكش تغلطي في حقي ولا في حق مرتي
شدت فيه هديل تحاول تهديه وهي تهمسلو
هديل : خلاص ادريس خلينا نفهمو منها
شاف فيها وزير على قبضتو يحاول قدر الامكان ما ينفاعلش بسبة حالتها النفسية الحساسة تنهد بضيق وهز راسو بالايجاب وقعد تحت انظار سميحة اللي تشوف فيهم بسخط
ادريس : انا لحد الان مزال مفهمتش سبب الزيارة الكريمة
ناضت سميحة هازة صاكها الصغير بماركة شانيل وهي تشوف فيهم ببرود
سميحة : هوما زوج حلول لا ثالث لهما يا تطلق هاذي يا نرفع قضية ضم حضانة وندي حفيدتي تتربى عندي ونتا اشبع بالهم تاعك انا منسمحش بنت بنتي تربيها مرت اب
لقات كلامها وخرجت بعد ما خبطت الباب بكل قوتها شافت هديل في ادريس اللي قعد في الفوتاي حاط راسو بين يديه من هاذ المصيبة اللي زادت طاحت على راسو هو مسحيل يفرط في بنتو ويخليها تديها .. هو علابالو بلي قادرة تديها وتربح القضية وفي نفس الوقت ميقدرش يفرط في هديل ويخليها تزيد تعاني من جديد مسح وجهو بعنف
هديل بغصة : راح تطلقني يخي !
هز راسو يشوف فيها بصدمة معطاتوش حتى الفرصة باش يرد عليها راحت للشمبرة غالقة الباب بالمفتاح قعدت فوق السرير ثمثم طاحو دموعها بقهر كانت تظن انو الحياة تبسمتلها واخيرا ... مع ادريس اللي كان يعاملها كأنها بنتو مبخلش عليها بحنانو اللي يجسيبها لسيرين يجيبهالها ... يكفي انو هو اللي رجع ثقتها بالحياة مره اخرى ...
هي ميش رايح تسمح لبنتو تبعد عليه .. هي اولى علابالها شحال تحبو وشحال يحبها اصلا متقدرش تعيش بلا باباها ولا هو يعيش بلا بنتو راح تدير المستحيل باش يبقاو مع بعضاهم حتى لو كان راح تسمح في ادريس
أنت تقرأ
دواء قلبي {01} + {02} ... 💕رؤيته 💕 ...
Novela Juvenilلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
