فوط + كومنتار
هزت الطباسا وكل شي وراحت للكوزينة تغسلهم وعينها على بابو خايفة يولي خلصت قدقد مع اذان العشا .. راح سبغت الوضوء صلات تدعي بخشوع ... تدعي ربي يفرج عليها .. ربي ينجيها .. خلصت صلاتها حطت مصحفها حلاتو عشوائبا تقرا اي حاجة طاحت عليها عينها المهم تروح على نفسها وتطمئن
طاحت عينها قدقد على " وَبَشِّرِ الصَابِرِينَ الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ. أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَٰئِكَ هُمُ الْمُهْتَدُونَ"
هاذ. الاية فقط كأنها رممتلها جروحها ... حست براحة ميش طبيعية .. ربي نزل الطمأنينة والسكينة في قلبها كأنو هاذ الاية رسالة من عند ربي ليها تبسمت وبدات تقرا بصوت منخفض بترتيل يشرح القلب ويبعث الراحة والسكينة والطمأنينة في النفس ... غاصت معلابالهاش شحال ولا قداه الوقت اللي فات وهي على ذيك الحالة حتان تحل الباب .. كان هو اللي دخل دارت شهيق وزفير غلقت المصحف وشافت فيه كان لابس ومهندم سدت تنفسها من ريحتو القاوية تتنفس من فمها اما هو كي شافها قاعدة ع السجادة وتقرا في المصحف تقبض قلبو زير على يدو بقوة
مهدي : اني خارج بصح عيني عليك ... تتحركي من ولا من ولا تحاولي تعيطي لشي واحد تشوفي ساعتها مهدي الحقاني
غمضت عينيها بموافقة
مهدي : مكيش رايحة تسقسيني وين رايح !! ... خلي انا نقلك رايح نقابل مرااا نعقب معاها الوقت واني نخمم نجيبها لهنا ثاني ... نقابل مرا ماشي طفلة كيما نتي مافيهاش ريحة الانوثة تقولها راجل لابستلي شكارة فيها ميطرتين كيما هاذي لا اطاي لا زين
تبسمت ابتسامة عميقة بانو معاها عمق. غماازاتها في زوج شاف فيها باستغراب .. ناضت. من بلاصتها تبعها بعينيه بفضول وهو موش راضي بكلامو اللي قالو لانو كان عكس الواقع تماما
هزت حفنة تراب من بوكيات الورد اللي في الغرفة وقفت مقابلاتو تخزرلو من تحت رموشها مدت يدها الصغيرونة متوالو
رؤية : اخلقلي نملة !
مهدي : مهبولة ولا تتمهبلي ..
رؤية : متقدرش !
مهدي : هاذي حاجة ربي
رؤية : مالا خلاص .. متضحكش ومتعكيش على خلقة ربي ا مهدي .. راك وصلت لدرجة تسخر من مخلوقات كأنك تستهزا بيه .. والله غار راك غايضني لدرجة متتصورش .. خايفة كون تموت وش من قبل يلمك .. خايفة تموت ونتا بنفس الحالة اللي راك عليها .. خايفة عليك كي تتحط في الشبر وشمن وجه تقابل بيه ربي .. ماك رايح تدي معاك والو لا مال لا جاه لا سلطة راح تروح وحدك وحيد للقبر يا ريتك تفيق قبل ما يفوت الوقت
تبسمت معاه ابتسامة اخيرة ورجعت لمجلسها ... خرج هو من ثم وخبط الباب وراه ركب اللوطو تاعو خبط الفولون بقووة
أنت تقرأ
دواء قلبي {01} + {02} ... 💕رؤيته 💕 ...
Jugendliteraturلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
