فوط + كومنتار
غلق الباب ودخل لقا الظلمة والهدوء المعتاد كي العادة دار باردة خالية من الحنان تماما طل ع الكوزينة لقاها نظيفة جا داخل لغرفتو رجع بخطواتو للخلف خذاه فضولو لغرفتها حل الباب بلا حس طل براسو لقاها راقدة دخل بلا حس مجرد ماحط رجلو حس براحة وطمأنينة ميش طبيعية حاس بدفا بحنان عكس الشي اللي برا الغرفة يمكن من روحها البريئة وتمسكها بربي .. لقطت وذنيه كلمات هز راسو كان التيليفيزيون شاعل ومنقص للصوت مشعل القرءان غمض عينيه يستحلى ذاك الشعور
وقف عند راسها شاف في ملامحها الهادئة خدودها ونيفها اكتسبو حمرة طبيعية من النوم بشرة بيضا نيف مقدود صغيرون غمازات محفزرين حفر في خدودها نفى وتنازل على كلامو قبيل ... الزين والانوثة يجو عندها ويحبسو شاف في لباسها حتى في نومها محترم بيجامة طويلة وعريضة تبسم لا ارادي بقا زمان وهو يتفرج فيها مد يدو لشعرها اللي مفرزع ع المخدة قبض قبضتو متراجع ورجع هو كامل
غلق الباب تحلو عينيها تبسمت ابتسامة هاادئة
رؤية : الظاهر انو شيطان مهدي راضي ضعف .. منسماش رؤية كون منعريش على روحك وحقيقتك الحقيقية
بقات زمااان وهي على ذيك الحالة تخمم ساعة تبكي ساعة تتبسم على ذكرى من الذكريات تفكرت كلام امها
الهام : تقول عندي 4 ولاد صغار .. حتى نتا يا محمد تتعرى وتبعد الغطا عليك ونتا راقد كنت نوض في الليل نغطي الاولاد لقيت روحي نغطي فيك نتا كثرمنهم
ضحكت بقهقة كي تفكرت هاذ الذكرى .. اسرة صغيرة والدفء العائلي كبيير .. عكس الحياة المجردة اللي هنا البرود والكآبة غازية الدار
رؤية : زعما مهدي ثاني ينحي الغطا كي يكون راقد ؟ ... وانا وش دخلني فيه ضك
تنهدت وناضت من بلاصتها بعد صراع كبير مع ذاتها خرجت من غرفتها بهدوء حفيانة لابسة غار التقاشر شافت في الحالة مظلمة مع دخلت ضريها البرد مشات على روس صباعها لعندو حلت الباب دخلت بهدوء لقات البورت بالكون محلول والغطا مرمي في الارض راقد بقشو اللي خرج بيه والبرد يدخل للغرفة راحت غلقتها ورجعت الريدوات ومشات لعندو هزت الغطا دثراتو وقعدت قفازي مقابلاتو
رؤية بهمس : سبحان الله مغير الاحوال في النهار يبان وحش يمشي وفي نومو ملاك
حطت يدها على خدها تتأمل فيه
رؤية : وش ذنبي انا وهند باش تدير فينا هاذ الشي ! وش درت انا باش تعاقبني هاذ العقاب القاسي منظنش السبة هي الكف برك .. كاينة حاجة اكثثر كنت قادر تردهالي وتعاقبني بلا ما تتزوجني ... وش درت انا باش تعاملني هاذ المعاملة العنيفة ... نحسك تستمتع كي تشوفني خايفة ومرعوبة
سكتت شوية لمدة وحد 5 ثواني وكملت
رؤية : الشي اللي درتو فيا كامل ومكرهتكش اصلا منعرفش نكره ممكن نبكي منك ساعة ساعتين مبعد ننسى انا خايفة عليك .. والله خايفة عليك نهار تقابل ربي .. خايفة تروح ونتا حامل جبل ذنوب على ظهرك ..الموت ما تشاورش خايفة تخطفك ونتا مزلت ما تبت ...
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
