فوط + كومنتار
الطبيب : بصح نظن عندها مشكلة في القلب
مهدي : المطلوب ؟
الطبيب : مجرد افتراض برك .. لانو دقات قلبها ميش منظبطة
مهدي : تفضل معايا للغرفة الثانية
هز راسو بإيه داه عالج ماصال بما يلزم بلا ما يدخل معاه بقا متوال باب الغرفة اللي كان محلول تحسبا لاي حاجة بصح مكانش مركز معاهم حتان خرج ليه
الطبيب : المريضة جروحها تترواح بين السطحية والعميقة هي تعرضت لعنف كبير من الاحسن تبلغ لابوليس وتديها لطبيب نفسي
رفع مهدي حاجبو بزاوية عالية وهو مربع يديه لعند.صدرو يخزرلو ببرود
مهدي : مفهمتش كيفاش ؟ لابوليس !
الطبيب بهلع : اه ؟ لالا شكون جاب سيرة لابوليس مسيو انا اصلا ميش حافظ النيميرو تاعهم
مهدي بابتسامة : صحيت يا شطور هاك هاذو والطريق اللي جيت منها تنساها سينو انا اللي نعيط لابوليس يجيو يحوسو على جثة طبيب مااا
الطبيب : لالا متهني مسيو مهدي انا ما شفت ماريت ما سمعت ما شفت ولا عرفت
مهدي : برافو هاك الشيك تاعك والباب هاهو ليك
شاف الطبيب في الشيك حل عينيه على وسعهم من المبلغ تبسم بفرحة وخرج طاير ... اما مهدي بعد ما خرج هز تيليفونو وشكل رقم
مهدي : ها جااااد اطلع ارواح ادي الامانة واغبرها في بلاصة الجن الازرق ما يلقاهاش
جاد : متهني مسيو عند سعاد واحد ما تخطر فبالو
مهدي : ايا اوك المهم راهي هي خاتم سليمان تاعنا
جاد : علابالي مسيو راهي امانة في يدي
كوبا عليه مهدي ماصا جبينيو بتعب وراح حل عليه الباب ورالو الشمبرة هزها وراح غلق وراهم الباب بالمفتاح ومشا ديراكت لغرفتها لقاها كيما خلاها . .... بعد الشعرات اللي كانوا لاصقين مع دموعها
مهدي : انا محبيتكش ارؤية محبيتكش ... لالا .. الشيطان ميحبش .. انا برك والفتك .. والفت وجودك في الدار اللي كانت باردة وسامطة .. والفت دورتك في البيت .. وصنعة يدك . والفت الدفا اللي جبتيه معاك وريحة البخور اللي تحطيه كل يوم والماكلة السخونة اللي كل يوم تطيب في الدار مكنتش نقضي ولا مهتم بيها جامي دخلت كيلو بطاطا ولا غيرها للدار كي نكون حاب نوكل نشري من برا كي متنفحليش نبات هكذاك بصح ملح يدك ما يتقاومش انا مهدي راضي ! وليت ناكل بالسرقة بعد ما ترقدي ههه شوفي ذيك التمسخيرة ... معاملتك واحترامك اللي ملتزمة بيه هو اللي خلاني نحترمك ومنقدرش ندير فيك الشي اللي درتو في بنات غيرك خاطر نتي ماشي كيفهم ..... انا قلبي ميش تاع حب كون جيت شايف روحي نستاهل نحب ونتحب كنتي راح تكوني نتي اللولة واللخرة وانا نستعرف اللي منستاهلش وردة كيما نتي زيّنك زينك ونورك دينك بصح هاذا اعتياد برك عليك زعما يجي النهار اللي نبعد عليك ولا تبعدي عليا !
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
