دواء قلبي {01} + {02} ... 💕رؤيته 💕 ...

البارت 43

فوط + كومنتار

رؤية بتوتر : هو ..بصراحة .. انا .. نحوس نعرض خولة وعماد

دار ليها بالعرض البطيئ يشوف فيها بخزرات حادة عضت على شفتها بخوف

مهدي : نتي وشنهي !؟

رؤية بتوتر : انا .. هو .. ك

مهدي بحدة  : انطقي مسڨم لاه راكي تأتأي

قرب لعندها حتان وقف قدامها هبطت راسها

رؤية : نحوس نعرض خولة وعماد

مهدي : خولة نقولو صحبتك على عيني وراسي والزمر لوخر وش لزومتو !؟

رؤية : خولة متقدرش تجي وحدها لازم يجي معاها

مهدي : نبعثلها شوفور يجيبها ويقلبها

رؤية : ميخليهاش والله متقدر اصلا من بكري هكذا حتى كون نخرجو نشريو يجي معانا

مهدي بانفعال : ##$# علاه يجي معاكم ؛ ونتي لاه تخرجي كي عاد يروح هو

رؤية بسرعة : اها اها ماشي كيما فهمت .. والله غار حنا نمشيو وهو ورانا برك يعس ختو يخاف عليها ماشي على جال مره

مهدي : ربحت وزيد وراكم من الفوق باش يتفرج مليح

رؤية بضيق : مهدي ماشي زدت فيها شوي !!! اني قتلللك والله مكاينة حاجة بيناتنا غار في حدود السلام برك هو يخاف على ختو وهاذ الشي من حقو

مهدي : اكي ديجا بديتي تقلقي فيا وفسدتيلي نهاري بدلي ضك الهدرة قبل ما يتقلبلي سيدي

رؤية : عيشك ... الله يسترك انا توحشتها وهي صحبتي ملي كنا صغار

مهدي بانفعال : مكااانش هاذي داري ونعرض فيها اللي نحب تجي صحبتك وحدها صحا متجيش ربي يسهل

شافت فيه رؤية متداركة كلامو هزت راسها

رؤية : في هاذي غلبتني عندك الحق الدار دارك اعرض اللي تحب انا مكان ما دخلني

جات ماشية شدها من ذراعها رجعها

مهدي : نتي اللي قلقتيني خليتيني نقول هاذ الكلام .. شوفي فيا

طلعلها راسها

مهدي  بحدة : لاه مصرة انو يجي هو مالغري قادر يوصلها ويولي ليها مبعدا !!!!!!!

رؤية بغصة : خاطر هو قال عليك حيوان ومريض وانا حابة نثبتلو بلي نتا احسن واحن انسان على وجه الارض

مهدي كأنوا بكلامها هاذا كبت عليه سطل ما بارد طفا نار غضبو كاااامل تبسم بخفة وحط يدو على خدها

مهدي : مالا انا احسن واحن انسان !

تبسمت بخجل وهربت عينيها من عليه

مهدي : ديري اللي تحبي واعرضي اللي تحبي انا كرهت عماد كي عادت عينو عليك برك محملش واذا على كلامي تاع قبيل كي تقلقت برك اسمحيلي