فوط + كومنتار
مهدي : ... متأكد راح تحبيها كيما عمل خوك و............
مكملش كلامو ارتفعت وتيرة تنفسو حل عينيه بصدمة
هديل : نحوس نشوف رؤية
ناض من بلاصتو حاط يديه في زوج على راسو ميش مأمن اللي سمع صوتها قعد يدور كي الجاجة المذبوحة موش مصدق
مهدي : هديل ... هدرتي .. يخي هدرتي منيش نتخايل .... هههههههه هدرتي والله هدرتي .... يا طبييييييب ... ادريييس
دخل ادريس بفزع من عياطو يحسب كشما صرالها تنهد براحة كي شافها لباس عليها ... عنقو مهدي بلا ما يفيق من الفرحة اللي قلبت كيانو
مهدي : راهي هدددرت... والله غار هدرت سمعتها بعد 9 سنين .. م . منيش مأمن
ادريس : الحمد لله هاذا ماشي غار تطور
مهدي : هديل سمعيني صوتك مرة اخرى عيشك مزال ما رويتش
شافت فيه ببرود وشددت في ضمها لنفسها مبعدة عليهم
ادريس : تقدر تجي معايا نتكلم معاك برك
مهدي : اني جاي
خرج ادريس ومهدي راح قعد بجنبها يمسح على شعرها
مهدي : غدوة الصباح تكون عندك والله غار غدوة الصباح تحلي عينيك تلقايها ... علابالي راح تحبيها اصلا مكانش اللي يشوفها وميحباش وانا على هاذي درتلها الستار باش واحد ما يشوفها ويشوف رزانتها واخلاقها وعفتها
باسها من راسها وخرج راح ديراكت لبيرو تاع ادريس
وقعد
ادريس : وش نطقت !
مهدي : لاه تحوس ؟
ادريس : بصفتي طبيبها لازم نعرف ... منيش ڨزان السبب محبيتش تقولو وزيد ضك كيفكيف كيفاش نقدر نعاونها
مهدي : طلبت مني تشوف رؤ....... قصدي مرتي
ادريس : اا اوكي .... مالا من الاحسن تلبيلها طلبها مدام طلبتها يبقى كاين احتياج ليها
مهدي : ان شاء الله .... هاذا مكان ؟
ادريس : نهار تستعد باش ترتاح اختك صح اني هنا باش نسمع سبب صدمتها واكتئابها هاذا
ناض مهدي من بلاصتو وخرج ركب طومبيلو وخذا وجهتو للدار ووراه ثلث طوموبيلات تاع حراسة دخل دخل بهدوء بلا حس غمض عينيه يستمتع بالريحة اللي غزات نيفو حس بقلبو انشرح دفا عائلي ميش نورمال تبسم ومشا للكوزينة كي سمع حس من ثم كانت عاطياتو بظهر بقا يراقب فيها وفي حركتها كانت مشمرة على روبتها عند خصرها كيما حالة اللي رايح يسيق
هزت يدها اليسري نسفت عليها
رؤي بألم : ياااربي قتلني هاذ الخاتم اففففف كون نحيه ! اها اها مخصنيش صداع راس انا راني متماسكة في روحي متوالو غار بالسيف نبين بلي ميش خايفة كون يطل على قلبي يلقاه يرجف من الخوف
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
