فوط + كومنتار
خرجت تسارع فاتت على غرفتها بعدها رجعت للخلف بالعكس بلاما تدور تتأكد من الشي اللي شافاتو حات عينيها على وسعهم من الشي اللي شافوه عينيها كان مهدي يصلي رمشت شحال مرة تحوس تتأكد شافها معتصم ردة فعلها
معتصم : وشبيك خير !
رؤية بهمس : هههه مهدي او يصلي
معتصم بسخرية : ههه على اساس رايح ربي يقبلو صلاتو
رؤية بغضب : عيب عليك ... حرام عليك تهدر هاذ الهدرة المغفرة ميش بيدك نتا بيد ربي سبحانو
شاف فيها معتصم بدهشة من ردة فعلها العدوانية
معتصم : كوليني خير !؟ مليح مي عاد تهاوشيني على جال مهدي هاذا !؟ متقوليليش برك حبيتيه ارؤية
رؤية بتوتر : نن ..ل..ماشي .. بصح لازم نحترمو ونتا تحترمو وهو يحترمك
شاف فيها ودوح براسو
معتصم : الله الله ! روحي برك عند مهدي تاعك الهدرة مكيش عارفة تخرجيها
راح وخلاها عضت على خدها من التبهديلة شافت في مهدي اللي كان خاشع في الصلاة يبكي
رؤية : يا ربي واقبل توبتو
غلقت الباب وراحت طيبت الزعتر لأمها وداتتو جات تقعد حبستها
الهام : روحي شوفيه كشما يحتاج ولا ... ريحي شوي اكي عيانة
هزت راسها بإيه ومشات دخلت لقاتو قاعد في سريرها الصغير
رؤية : ربي يقبل
مهدي ببرود : امين اجمعين .... وش ماماك لباس ؟
رؤية : الحمد لله
مهدي : هاهو اشريولها هاذ الدوا يساعدها بزاف
شداتو عليه
رؤية : كشما تحتاج ؟
هز راسو بنفي وهي خرجت وهو قعد يخمم مع روحو.... هي تحداتو وجرحاتو وكلماتها قاست اعماق قلبو راح سبغ الوضوء كي وقف بين السجادة حس ببرودة في كامل اطرافو مع كبر قال الله واكبر بصوت غلظ طاحو دموعو وانهار باكي بين يدين ربي سبحانو ... حس برااااااحة بزاااف كبيرة بعد ما صلى
انا رؤية بعد ما خرجت راحت للصالون لقات معتصم ثم يتفرج في ناسيونال جيو غرافيك راحت قعدت بجنبو وخبطاتو بكتفها
رؤية : وش ا الصحبة صافا !؟؟
تبسم وحوطها من رقبتها وبربشلها شعرها
معتصم : توحشتك يا وحد الحلوووفة
رؤية : نههههههه زعما !؟
معتصم : صاريلك كيما الملح وجودك يطلع لاطونسيون وغيابك يشمط الحالة
ضحكت بالصوت ومدتلو الورقة
رؤية : هههه هاك جيب هاذ الدوا لماما تاع للطونسيون
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
