لقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
شورلها البلاصة جنبو قعدت تستنا فيه وش يهدر شد يدها بين يديه يربت عليها بحنية هزها وباسها. برفق حشممت وطلعو خدودها طماطم
مهدي : الحشووومة تاعي
رؤية : يخلااص متزيدش تحشمني ... نتا سير بدلوك
مهدي : انا اللي بدلت روحي ولا ماعجبكش التغير
رؤية بلهفة : لالالا عيشك مترجعش كيما كنت .. كمل كيما راك تهبببل
هز راسو بإيه اصلا علاجال الشي اللي دارو فيها اللي راه يحاول يغير من نفسو لاح يدو لجيب سترتو وجبد بوات حمرة حلها شافت فيها رؤية بإعجاب
مهدي : هو خاتم الزواج يجي فيه زوج ... بصح حبيت نخرج ع المألوف نديرو ثلاثة اسمحيلي ضريتك بزااف نهار الاول وجبتو صغير عليك بالعاني بصح والله غار شريت معاه ديراكت هاذا ناويه ليك حتان يجي الوقت ونديرولك ونظن هاذا هو الوقت .. بداية جديدة وحياة جديدة في منزل جديدة نبدلو كللش ونبداو من اول وجديد تقبلي تكوني زوجة ليا !؟ راح نعوضك على كلشي صرا من قبل ووووعد
