فوط + كومنتار
رؤية بخوف : مهدي مفرحتش !؟؟
هديل : مهدييييي هلااااو
مهدي : هه فرحت فرحت لاه منفرحش
قدم لرؤية حضنها غمض عينيه بقوة وزير عليها
هديل بحماس : هيا نروحو نشريو حوايج للبيبي
رؤية : ههه يضهرلي تحمستي زيادة مزال قدامنا 9 اشهر
هديل : ايييي من ضك وحنا نشريو ويا ربي لازم حاجة متخصو هاذا قش ولبسة وبيبرونات والعاب وبزاف بزاف حوايج وزيد لازم نتابعو طبيبة يخي مهدي
مهدي : اللي تشوفوه
هديل : رؤؤؤية بلييييز هيا برك لبيلي الطلب تاعي .. نروحو نشريو حويجات برك اففف منقدرش نصبر تسع شهر كاملين
رؤية : ههه نشوفو مهدي يلا دانا حتى انا متحمسة ها وش قلت مهدي
مهدي : قتلككم كيما تحبو روحو وجدو رواحكم
تبسمو بفرحة وتفرڨو كل وحدة راحت في جيهة
شاف مهدي في المراية اللي مقابلاتو شد شعرو بين يديه وقعد في السرير يخزر في الفراغ هز الناست اللي كان مرمي في الارض يخزرلو بعينين حادين ورماه بكل قوتو خرج من ثم كي ماقدرش ركب الطومبيل يستناهم وهو يخمم في قرار خبط الفولون بقوووة يعيط
مهدي : اااااا ميش وقتو مييييش وقتتووووو كييييفاه نسيت حاجة كيما هاذي كيفاااه نغفلللل مديتش احتياطاتي
هز راسو كي سمع حسهم لمحها جاية كي العادة بطلتها حجاب فضفاض ونقاب عض على خدو من العصبية ركبت رؤية من القدام وهديل من لاور
هديل : شوفي من ضك كون تجيبي طفل سميه أسيد وكون تجيبي طفلة سميها سيدرا
رؤية : ايي اسماؤ يسخفو وش رايك مهدي
مهدي بانفعال : دييري اللي تبغغي واسكتي صدعتيلي راسي
شافت فيه بصدمة من ردة فعلو طمتها في قلبها غرغرو عينيها تبكي بالساكت
مهدي : بدينا بالزمر تاع الهرمونات
شافت هديل في مهدي باستغراب من ردة فعلو العدوانية
هديل بحدة : وشبيك تعيط وتوكل في روحك وحدك متعرفش تهدر معاها بالعقلية !!
مهدي بتجاهل : وصلنا
رؤية بغصة : بطلت منهبطش واديني لدارنا نهار يخلاصو تسع شهر ونزيد ارواح ليا هاذاك هو تتهنى من الزمر تاع الهرمونات
غمض عينيه وماصى جبينو نحا لاسانتير ودار ليها شد يديها بين يديه
مهدي : خلاص لاه تزربي ثم ثم تبكي اسمحيلي والله ماعرفت كيفاه انفعلت الضغط تاع الخدمة والصدمة مزلت لضك ميش مصدق اللي جاينا صغير
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
