لقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
شوية وخرجت هازة طبسي مغلف في يدها فيه المسكوتة اللي دارتها البارح شاف فيها مضيق عينيه كيلها من ساسها لراسها كانت لابسة حجاب بلو شاف فيها كاينة حاجة متغيرة فيها بصح موش عارف ... هزت راسها شافت فيه كان في ابهى حلة ريحتو معطعطة في كل بلاصة شافت فيه من شعرو لصباطوو كلشي فيه كلاس عضت على خدها كي جات لبالها فكرة انو البنات كل يوم حولو مستحيل ميعجبهمش ولا ميطيحوش فيه ولا يحاولو يغريوه عضت على خدها بمجرد التفكير فهاذ الفكرة فاقت مع روحها هزت عينيها في عينيه لقاتو يشو فيها بنظة ميش عارفة تفسيرها حمحمت بإحراج
رؤية : هيا
مهدي : هيا امشي
هزت راسها بإيه وخرجت هكاك ميش متولهة للنقاب اللي مزالت مهبطاتوش ركبو الاسانسير كانت هي واقفة قدامو وهو وراها يخزرلها عاقد حواجبو كي العادة والعوايد ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
دخلو ناس خراين مرا و 3 رجال كانت محاصرة تقريبا كانت كي القطة وسطهم متبانش شاف مهدي في الراجل اللي كان متكي ويحك في حاجبو ويخزرلها ويتبسم جبدها من كتفها ورجعها بجنبو لاصقة فيه وفي الحيط تاع المصعد غطاها تقريبا ويدو مدورها على كتفها شافت فيه وقلبها يخبط بسرعة من حركتو...... خزر في ذاك الراجل بحدة نزل عينيه
