فوط + كومنتار
مهدي : سامحني مغلوب أمري ا ولدي
غمض عينه ومسح دموعو اللي بداو يسيلو ورا بعض وشد ذراعها بين يديه زير على قبضة يدو عينيه حمارو من كبت دموعو للحظة كان رايح يغرس البرا في ذراعها زير عليها بين يديه كسرها و انهار حاط راسو على يدها يبكي بالساكت
مهدي : منقدرش منقدرش نقتلو
ناض من بلاصتو وهز البرا من الارض وراح للحمام غسل وجهو شاف وجهو في المراية
مهدي : لا هو لازم ينزل مدامو يضرها يموت احسن هو نقدرو نخلفوه بصح رؤيتي اذا راحت متزيدش تولي
قعد في الارض متكي ظهرو للحيط خبط راسو للحيط بانكسار
مهدي : يا ربي فوضت امري اليك
.............
الليل كامل ما رقد وماشاف ريحة النوم كان قاعد في الفوتاي مقابلها حاير في أمرو صلى صلاة الاستخارة وخلاها على ربي جات عايلتها كامل محملين بكل انواع الاكل حتى رميسة ما سلمتش من الهزان
مهدي : تعبتو رواحكم لاه
الهام بفرحة : معليش هاذا اقل شي نديروه درتلها الماكلة اللي تفيدها وتفيد الصغير وين راهي
مهدي : في غرفتها الطبيبة قاتلها ما تتحركيش
الهام : مالا نروح متوالها
رميسة : انا ثاني نجي
محمد : مبروك عليكم وردي ربي يكمل
حس مهدي بلسانو مربوط مقدرش حتى يقلو أمين
محمد : مهدي معليش نهدرو دقيقة برك في بلاصة تكون مليحة
هزلو راسو بإيماءة كان ملمح التعب على ملامحو ... ملامحو تبين اللي ميش فرحان اطلاقا مشا مهدي تبعو محمد للبيرو تاعو
محمد : ايييه ! الحمل زعما ما يأثرش على مرضها
تنهد مهدي تنهيدة تحسها كأنها تهد الجبال
مهدي : هو خطررررر كبيير كبيير عليها مستحيل يكمل الحمل على خير اذا ما حبسش قلبها ف فترة الحمل يحبس في الولادة سوا طبيعية ولا قيصيرية
شاف فيه محمد بألم وقهر كبير حس بثقل الدنيا كامل تحط على قلبو حتى شعورو مكانش مختلف على شعور مهدي
محمد بغصة : والحل !؟
مهدي : الطبيب قال لازم اجهاض قبل ما يكبر
محمد : اييي وش راك تستنى لازم تنزلو قبل ما تتعلق بيه
مهدي بغصة : مقدرتش !! مقدرتش نديرها ا عمي هو ابني كيفاش حبيتني نقتلو
محمد بانفعال وبكاء : هااا حتتتتى هي بنتي قلبي راه محرروق محرروق عليها الطفل هاذا لازم ينزل
أنت تقرأ
دواء قلبي {01} + {02} ... 💕رؤيته 💕 ...
Teen Fictionلقاء خاطئ ينتهي بزواج بالاكراه ..بين قيود الماضي وآلام الذكريات واوجاع الحياة وفي خضم الانتقام يولد بين هذه الاوجاع مستقبل من الماضي وآمال من الالام لتأتيه رؤية تخرجه من براثين ولهيب ونار الحقد من عالم السواد والكراهية او بتعبير أصح من الظلمات الى...
