𝗦𝗧𝗨𝗠𝗣𝗦 | කඩුලු [Ongoing]

තුන්වෙනි කඩුල්ල

වසර 8කට පෙර

සත් සමුදුරුම කළඹාලා ඔබ වෙතට එනවා
ඔබේ ඔය සිනාවේ රැඳී ඉන්න සසරේ
මුදුමල් යහන මගෙ වේද හැමදාක සොඳුරේ

" අනේ බල්ලො ඕක නවත්තගනින්කො තව ටිකක් උබ ඕක කිව්වොත් සත් සමුදුර නමෙයි මගෙ බොක්ක කැළඹෙනව මෙතන..."

" අර බලපන් ඉතිං අර කෙල්ල මේ පැත්ත බලන්න තව අංශක පහයි තිබ්බෙ උබ කෑව.. උබලට තමයි ඕයි පාප මිත්‍රයො කියන්නෙ.."

වත්සුවට සිංදු කියන්න පුලුවන් කිසි අවුලක් නෑ හැබැයි ඒව අහන් ඉන්න පොඩ්ඩක් අමාරුයි. මොකද ඌ වචනේ පරිසමාප්ත අර්ථයෙන්ම සිංදු කියනව මිසක් ගායනයක් කරන්නෙ නෑ. 

අපි හිටියෙ මීගමුව බස් ස්ටෑන්ඩ් එකේ පිටිමපස්සෙ බංකුව උඩ ඉදගෙන. 905 බස් එකේ සෙනග පිරී ඉතිරී ගිහින් තිබුනෙ අද සෙනසුරාද හින්ද වෙන්න ඇති .. කොහොමත් බීච් සයිඩ් යන්න කෙල්ලො කොල්ලො මේ වෙලාවට ඔය රූට් එක යූස් කරාට කවදාවත් හරිහමන් බස් එකක් තිබ්බෙ නෑ. ඉතිං අපි හිටියෙ ඊළග බස් එක ගාල් කරනකල්. 

එක්ටැම් ගෙවල් වලින් ඉරිදට පියාඹන ටියුෂන් කුමාරියො සෙනසුරාදත් මදි නොකියන්න මීගමු ටවුන් එකේ ඉන්නව. හැබැයි ඉතිං අපිට නම් මේ ටිකේ ඕවට අවධානෙ දෙන්න අමාරුයි මොකද තව දවස් දෙකකින් බයෝ පේපරේ අතට හම්බෙනව. 

" අඩෝ නිශිය කොහෙද ඕයි බලන් ඉන්නෙ වරෙන් මේකත් ලෝඩ් වෙන්න කලින් .."

හිතට එකගව කියනව නම් මම බලන් හිටියෙ එහා පැත්තෙ ෆෝන් කඩේ ඇතුළට ගිය කපල් එක දිහා ඒ කොල්ලව මට හොදට මීටර් ඒත් කවුද කියල මතක් උනේ නෑ. ඔන්නොහෙ කමක්නෑ කියල වත්සුව එක්ක බස් එකට නැගල පිටිපස්සෙ සීට් එකෙන් වාඩි උනා. 

" ඒ ප්‍රගීත් අයිය අපිව එළවගනීද බං..?" 

" එළවගන්නත් ඌ ගෙදර ඉන්න කියල ප්‍රාර්ථනා කරපං කොහොමත් ඌගෙන් හොදට අහගන්න වෙනව අපිට.."

අපි බීච් රෝඩ් එකේ ගිහින් කොෆී බීන් එක ළගින් බැහැගත්ත. එතන ඉදන් ප්‍රගීත් අයියලගෙ ගෙදරට හූවක දුර. කොහොමත් පට්ටම කන්ෆිඩන්ට් පිට හිටියත් එක අවුලක් ආවොත් ඒක හදාගන්නකල් මුළු විභාගෙ ගැනම අවුල් ෆීලින් එකක් එනව.