𝗦𝗧𝗨𝗠𝗣𝗦 | කඩුලු [Ongoing]

23 වෙනි කඩුල්ල

සිනාසෙන්න ආදරෙන් 
ඉහේ මල් පිපේ මගේ 
හිතින් වින්ද වේදනා
කොහේදෝ ගියේ ලඳේ
මේ තරම් හීනයක් නෑ ඉතිං ළංවෙලා
සත්තමයි ආදරේ තටු අරන් ඉඟිලිලා...

" ආ වස්තු පුතා වැඩ වගේ.... "

වත්සුව ගෙදර ආව කියල මෙසේජ් එකක් දාල තිබුන හින්දම හවස් වෙලා ඒ පැත්තෙ ගියෙ කෝප්ප බර ගානක් හෝදන්න එකතුවෙලා තිබුන නිසා... ඒත් මම යනකොට මූ හිච්චි කලිසන් කොටේකුත් ගහන් උගෙ එලොවටත් මෙලොවටත් නැති පදවැල් කිය කිය මල් පැල වලට වතුර දානව... 

වත්සුව ඕන්නම් මට වඩා අගල් තුනක් විතර උස ඇති. ඒ ඇරුනම මගෙ සයිස්මයි .. හැබැයි මං තරම් ඌ පාට නෑ.. අපි දෙන්නටම සහෝදර සහෝදරියො නැති උනට ඌයි මායි උන්නෙ එකකුස උපන් සහෝදරයො ගානට ...

" ආ ... සත්‍ය ප්‍රේමබෘංගරාජය මොකද මේ අපේ පැල් කොටේට වැඩම කරල..." 

" පැල් කොටේ නමෙයි බලපංකො උබෙ ජංගි කොටේ හැටි ප්‍රගීත් අයිය දැක්කොත් නම් ම්ම්ම්..... "

" අනේ වනෝ ... තොගෙ නරිප්පඩ කතා කියාගෙන එන්න එපා මේ නිකැලැල් අපිට හරිද... "

" ආ... උබට දැන් එගෙනම් ඌව ලොකු උනා නේ  .... හරි හරි උබට ඉස්සල්ල ආපු කනට වඩා පස්සෙ ආපු අං ලොකු උනා එහෙනම්... වස්තුව උබ එහෙනම් මට.. ... ..ඒයි හිවලො!! . ඔහොම ඉදපං..."

අන්තිමට මට කියල ඉවර කරන්න උනේ නෑ ගෙට ගොඩවෙන්නත් කලින් අපි දෙන්නගෙ ජල ප්‍රහාර වලින් අන්තිමට මදි නොකියන්න දෙන්නන තෙත්බරි වෙලා තමයි නතර උනේ . කවුරු හරි වත්සුවලෑ මිදුල දැක්කනම් උන්ගෙ ගෙදරට විතරක් මහ වැස්සක් කඩාවැටිල කියල හිතනව .... වත්සුවල ගෙදර නොහිටි කාලෙටම හරියන්න පැල වලටත් වතුර වැටෙන්න ඇති...

" ඈ කොල්ලො... ගෙදර හිටපු නැති ටිකේ මැලවිලා තිබුන මල්පැල වලට වතුර දාන්න කිව්වම උබ ගිහින් නාල ආවද... ? සන්තානම් මෑණියනී නිශිත පුතේ මේ මොකද...? "

වත්සුවට කෑ ගහගෙන ආපු උගෙ අම්ම මාව දැක්කෙ පහු වෙලා... තෙමිච්ච කුකුල්ලු වගේ උන්න අපි දෙන්නව දැකල කම්මුලටත් අත තියාගෙන කියෙව්වෙ අපි මීට කලින් නසරාණි වැඩ කරල නෑ වගේ...