𝗦𝗧𝗨𝗠𝗣𝗦 | කඩුලු [Ongoing]

හත්වෙනි කඩුල්ල

" සුදූ මා එක්ක මොකක් හරි කියන්න තියනවද? "

උදෙන්ම නාගෙන කාමරේට යන්න හැදුව මම එතනම නතර උනේ අප්පච්චි අහපු ප්‍රශ්නෙට. මොකක් නමුත් සිදුවෙලා තියන හැඩයි. ඒත් මේ කියන්නෙ මොකක් ගැනද කියල නොදැන උත්තරය දෙන්නත් බෑ..

" ඇ.. ඇයි අප්පච්චි "

"  නෑ මං ඇහුවෙ මොකා හරි කියන්න තියනවද කියල .."

අගෝස්තු මාසෙ පුරවටම ඒලෙවල් තිබුනත් ගිය බදාදයින් අපේ විභාගෙ නම් ඉවර උනා. ඉතිං අන්තිම දවසෙ නම් යම්කිසි දෙයක් උනා තමයි ඒත් ඒක ගැන අහනව වෙන්න බෑ. 

" නෑ අප්පච්චි .. අප්පච්චි මොකක් ගැනද අහන්නෙ "

" තමුන්ල කොළඹ ගිය විදිහටමද ආපහු ආවෙ පහුගිය දවස් ටිකේ..?"

ටසිරි මාට්ටු ද එතකොට . කොහොම හරි ශේප්මන්ට් එකක් දාගන්න වෙනව මොකද අද හවස තමයි අපි රිලැක්ස් පාටි එක ඕගනයිස් කලේ. ඒකට බකට් එක දාන්නම මේක දැන් ඇහුව වෙන්නත් පුලුවන් ඒත් දැන් මොකද කරන්නෙ.. කිසිම දෙයක් ඔලුවට එන්නෙ නෑනෙ. 

" ආ..ඒක.. "

" ඒක තමා .. තමුන් හිතන්නෙ මම මේ දේවල් ගැන නොදන්නව කියලද සුදූ.. හිතන්න එපා මුකුත් නොකිව්ව හින්ද මගෙ කනෙන් රිංගන්න පුලුවන් කියල.. ඒක මම දැනගත්තෙ බස් නෑ කියල පරක්කු වෙලා ආව පළවෙනි දවසෙමයි.. අද කියයි හෙට කියයි කියල හිටිය නෑ.. "

මල මගුලයි. අප්පච්චි මට ආදරේ නැත්තෙ නෑ ඒත් අපි දෙන්නගෙ බැදීම අම්මගෙයි මගෙයි බැදීමට වඩා වෙනස් . අප්පච්චි මාව තුරුල් කරගත්ත දවසක් මට මතක නෑ. ඒත් මං දන්නව එයා මං ගැන වද වෙනව කියන්න. ඒත් මං මෙහෙම කෙල්ලෙක් වගේ හැදෙන්න ආස නෑ. 

මම කිසිම දෙයක් කියන්න නොගියෙ මම කියන එක වැරදි වාක්‍යයකින් අද දවසම අවුල් යන්න පුලුවන් නිසා. 

" දැන් අද කොහෙද යනව කිව්වෙ..?"

" මේ වත්සුලෑ ගෙදර අප්පච්චි .. යාලුවො ටිකක් එනව. "

" මහ රෑ වෙනකල් ඉන්නෙ නැතුව එන්න ඕනි.. එහෙම නොවුනොත් අන්තිම ගමන ඕක වෙයි.."

" හරි අප්පච්චි .."

ආයෙත් හිත් වෙනස් වෙන්න කලින් සිං ගාල කාමරේට පැනගත්තෙ අම්ම හදල තිබ්බ තේ එකවත් අරගන්නෙ නැතුව. යන්තම් ඇති හවස යන්න දුන්න.