𝗦𝗧𝗨𝗠𝗣𝗦 | කඩුලු [Ongoing]

28 වෙනි කඩුල්ල

නිදාගන්නව කියල ගියත් තප්පරේකටවත් ඇස්දෙක පියවෙන්නෙ නැති තැන මම ආයෙත් චූටි අයියට කෝල් එකක් ගත්ත. එකසැරයක් දෙසරයක් නෑ ඊටත් වඩා මම ගන්නැති කොහොමහරි අන්තිමට එයා ෆෝන් එක ආන්සර් කලා.

" මොකද බං... "

" ..... "

" හදිස්සියක්ද... කතා කරනවකො නැත්නම් මං තියනව... "

එයා ඉන්නෙ ගෙදර නමෙයි වගේ සද්දයක් එද්දි මට හිතුන අපරාදෙ එයාටත් වදයක් වෙන්න ඕනි නෑ කියල... සමහරවිට ෆෝන් එක ආන්සර් කරන්න නැතුවැත්තෙත් ඒ නිසා වෙන්නැති.

" මං ඔයාට වදයක්ද චූටි අයියෙ... "

" මගුලක් අහන්නද ගත්තෙ .. මං පූජාවෙ හිටියෙ..."

විහිළුවට කිව්වද ඇත්තටම කිව්වද කියල නොතේරුනත් මගෙ හිත රිදුන. මට තිබුන එකම සැනසීම එයානෙ... අද හවස ගියෙත් අවුලෙන්.

...

" ගෞරව් ? ... ගෞරව්... ගෞරව්.. ඇහෙනවද..? සදැස්.."

" ම්ම්හ්.. "

මං ආසම එයා මට එහෙම කතා කරනකොට... ඒ උනාට හැමවෙලේම ගෞරව් ගෞරව් කියාගත්ත ගමන්මයි ඉන්නෙ.. සදැස් කියල කියන්නෙ එහෙමත් වෙලාවකට.

" අසනීපෙන්ද ඉන්නෙ... කතා කරන්නකො ළමයො.. "

" මට එපා වෙලා ඉන්නෙ චූටි අයියෙ.. ඔයත් නෑ කියල හිතද්දි... "

" අනේ පිස්ස... මොකද මේ.. දැන් පූජාවෙ අන්තිම ටික මම එන්නම් අපි රවුමක් දාමු.. "

" ඒත් රෑ වෙයිනෙ.. "

" තාම හවසනෙ ඒක ඇවිත් බලමු.. මං අහල තියනව colombo night life කියන්නෙ වෙනම ෆීලින් එකක් කියල..."

" පරිස්සමෙන් ... "

" ලෑස්ති වෙලා ඉන්න මං විනාඩි පහලවෙන් එනව.. "

මම ගිහින් සුදුපාට ටීශර්ට් එකට කලු ඩෙනිමක් ඇදල ශූස් දාල ලෑස්ති උනා. හෙල්මට් එකත් අරන් තියාගත්තෙ චූටි අයිය බයික් එකේ ආවොත් කියල. ඒත් වැඩි වෙලා ඉන්න උනේ නෑ පෑලියගොඩ ඉන්නෙ කියල එයාගෙන් මෙසේජ් එකක් ඇවිත් තිබුන.

" පොඩී කොහෙද යන්නෙ.. "

" I'm going out... "

" මං උදේ කිව්ව නේද රණවක අංකල් ල එනව කියල.. "