𝗦𝗧𝗨𝗠𝗣𝗦 | කඩුලු [Ongoing]

27 වෙනි කඩුල්ල

" ඒක නමෙයි කෝ තාත්ත ගෙදර නැද්ද..? කතා කරනවවත් ඇහුනෙ නෑනෙ.."

" මම උනත් එයාව දකින්නෙ සති දෙකකට විතර සැරයක් චූටි අයියෙ...."

" ඇයි.. එච්චර බිසීද ඉතිං.."

...

"තමුසෙ හැමදාම උදේට කන්නෙ නැද්ද ? "

...

" අපේ කාලෙ නම් සෙල්ලම් කරන්න කලින් අපි හොඳට කාල බීල ඉන්නව... කවද හරි උබ ග්‍රවුන්ඩ් එක මැද්දෙ පතබෑවෙන්නෙ ඔහොම නොකා ඉදල..."

" හම්මෝ... කොහොම තියෙයිද තමුසෙ හෙනකදය වගේ පිච් එක මැද්දෙ වැටිල ඉන්නකොට.... හහ් හම්මෝ මට මැවිල පේනව..."

" අපෝ... නොකා ඉන්නෙ නෑ අනේ ඔහොම හැමදේම කන්නෙ නෑ.. අපිට වෙනම මීල් එකක් හම්බෙනව..."

" ඒ උනාට කලින් කාලද එන්නෙ නැද්ද බලන්නෑනෙ ... කටක් දෙන්නද.. "

....

" හා හා තමුසෙ අහක බලාගන්න ඕනි නෑ මේක මම කොහොමත් දෙන්නෙ නෑ... "

...

" මේ ඒක නමෙයි මම ඔයාගෙ ජම්බුවලින් ඇට ටිකක් ගත්ත ඒව හරී රහයි අප්ප ... ඒක මං මේකෙ ඔතල තියනව යද්දි මතක් කරල දෙන්න හරිද...."

...

" ආයෙ ළඟදි අපි හම්බෙන්නෙත් නෑනෙ අපරාදෙ තව ටිකක් කඩාගන්න තිබුන... කොහෙද උබල හෙන ලෝභයිනෙ.."

" අයියෝ චූටි අයියෙ කට වහගෙන කනවකො ඕක... "

" ආ කාල පෙන්නපංකො මටත් කට වහන් කන්නෙ කොහොමද කියල... "

" අනේ ඕන මගුලක්... "

මං අරන් දුන්න pineapple cake කෑල්ල කාල ඩෝනට් එකත් කන ගමන් රටේ නැති ප්‍රශ්න අහනව.. වෙන කවුරු හරි ඔය විදිහට ඉදන් කියෙව්වනම් මෙලහට කා එකෙන් එලියෙ.. ඒ ඔක්කොමත් හරි මට හිතාගන්න බැරි මේ මනුස්සය මෙච්චර පැණිරස කන්නෙ කොහොමද කියල... 

උදේ නමය වෙනකොට ග්‍රවුන්ඩ් එකට ඇවිත් බැස්සට පස්සෙ මාවත් දාල චූටි අයිය දුවන් ගියෙ වත්සු අයියයි ප්‍රගීත් අයියයි තව කොල්ලෙකුයි ඉදපු තැනට... එයා එතනට දුවනවත් එක්ක වත්සු අයියත් දුවන්න ගත්තපාර දෙන්නම ග්‍රවුන්ඩ් එක වටේ දුවන්න ගත්ත...