နှင်းဆီနီနီ (Completed)

Part 21

ခွန်းရဲ့ကျောင်းပိတ်ရက်နှစ်ရက်ဟာနှောင်းနှင့်အတူဖြတ်သန်းရင်းပင်ဘယ်လိုကုန်ဆုံးလို့ကုန်ဆုံးသွားမယ်တောင်မသိချေ။ကျောင်းပြန်ဖွင့်ပြီမို့ခွန်း‌နှောင်းနှင့်အတူကျောင်းသွားရန်ပြင်ဆင်နေတော့သည်။

"သမီးသွားတော့မလို့လားအစောကြီးနေပါအုန်း"

"သွားတော့မယ်လေအမေရဲ့မနက်စာလည်းစားပြီးပြီဟာကို"

"သမီးတီချယ်နဲ့ပဲအတူသွားမှာလား"

"ဒါပေါ့အမေရဲ့"

"ငါ့သမီးတော်တော်လေးပြောင်းလဲသွားတယ်နော်အရင်တုန်းကဆိုလမ်းလျှောက်ရမှာကိုအရမ်းပျင်းပြီးဘယ်သွားသွားကားနဲ့ပဲသွားချင်တဲ့လူကများ ပြီးတော့ငယ်ငယ်ထည်းကကြက်သားဟင်းနဲ့ပဲထမင်းစားတက်တဲ့လူကအခုဆိုငါးဟင်းကိုကြိုက်တယ်တဲ့လေ"

"ချယ်ကငါးစားရင်ဉာဏ်ကောင်းတယ်ဆိုလို့ပါအမေရယ်"

"မွေးရကျိုးနပ်တဲ့သမီးလေး အမေဖြစ်သူကစားစေချင်လို့ဉာဏ်ကောင်းပါတယ်စားကြည့်ပါဆိုပြီးအာပေါက်မတက်ပြောတုန်းကကျအဖက်တောင်မလုပ်"

"အမေကလဲဗျာပွစိစိနဲ့ သွားတော့မယ်နော်"

"သေချာဂရုစိုက်သွားအုန်း"

ခွန်းတော့သူမအမေရဲ့ပွစိစိပြောဒဏ်တွေကိုမခံနိုင်လို့လွယ်အိတ်ဆွဲပြီးသာနှောင်းအိမ်ကိုသွားတော့သည်။

"ချယ်ရေ"

"အော်သမီးခွန်းလေးလာ သမီးချယ်နေသိပ်မကောင်းဘူးကွဲ့ လာအထဲ၀င်"

"ချယ်ကဘာဖြစ်တာလဲအန်တီ အရမ်းနေမကောင်းဖြစ်နေတာလားအခုရောဘယ်လိုနေသေးလဲသက်သာလားဟင်"

"အယ် အရမ်းကြီးနေမကောင်းတာမဟုတ်ပါဘူးသမီးရယ်"

ခွန်းအိမ်ထဲရောက်တော့ခုံလေးပေါ်မှာထိုင်နေတဲ့အမျိုးသမီးကိုတွေ့ရသည် မျက်နှာလေးဟာလည်းနွမ်းလို့နေသည်။

"ချယ် အများကြီးနေမကောင်းဖြစ်နေတာလားဟင်"

"မဟုတ်ပါဘူးကလေးရယ် နည်းနည်းခေါင်းမူးနေယုံပါ"

"ဆေးသောက်ထားလားချယ်"

"အင်း ခုပဲမနက်စာစားပြီးသောက်ထားတယ်ကလေး ချယ်တို့ကျောင်းသွားကြရအောင်နောက်ကျနေလိမ့်မယ်"