နှင်းဆီနီနီ (Completed)

Part 23

"ခွန်း ဒီနေ့အဖေကျောင်းလိုက်ပို့မယ်"

"အဖေကလည်းသမီးချယ်နဲ့သွားမှာလေ"

"အဖေတစ်ရက်တစ်လေလိုက်ပို့ပါမယ်ပြောနေတာကိုဘယ်လိုဖြစ်နေသလဲခွန်းသစ္စာချို"

"ပြီးရောဗျာနေအုန်းချယ့်ကိုအဖေလိုက်ပို့မယ့်အကြောင်းပြောလိုက်အုန်းမယ်"

အဖေဟာဘာမှမပြောပဲလုပ်စရာရှိတာကိုသာဆက်လုပ်နေသည်မို့ခွန်းလဲအပေါ်ထပ်သို့တက်လာကာနှောင်းဆီဖုန်းခေါ်လိုက်တော့သည်။

"ဟယ်လိုကလေး"

"ချယ်ခွန်းပြောစရာရှိလို့"

"ဘာများလဲကလေးလေးရဲ့"

"ဒီနေ့ချယ်နဲ့ကျောင်းတူတူမသွားနိုင်တော့ဘူး"

"ဟင်ဘာဖြစ်လို့လဲကွယ်"

"အဖေကလေဒီတစ်ရက်သူလိုက်ပို့မလို့တဲ့မပို့ပါနဲ့လို့ပြောတာလည်းမရဘူး"

"အိုဘာများလဲလို့ကလေးရယ်ကလေးအဖေလိုက်ပို့ချင်တယ်ဆိုတော့လည်းလိုက်ပို့ခိုင်းလိုက်ပါကွယ်တစ်ရက်တစ်လေလေးပဲဟာကို"

"ချယ်နဲ့ပဲသွားချင်တာလို့"

"အိုကွယ်မဆိုးရဘူးချယ့်စကားနားထောင်နော်နောက်နေ့ကျတူတူသွားလို့ရတာပဲလေကွယ်"

"ဟင့်ပြီးရော ကျောင်းရောက်ရင်တွေ့မယ်ဒါဆို"

"ဟုတ်ပါပြီရှင့်ချစ်တယ်နော်ကလေးလေး"

"ခွန်းလဲချစ်တယ်"

"ခွန်းသစ္စာချိုမပြီးနိုင်တော့ဘူးလား"

"လာပြီအဖေရေလာပြီ"

"ကားထဲမှာသွားစောင့်နေ"

"ဟုတ်ကဲ့"

ခွန်းအိမ်ပြင်ထွက်သွားပြီးနောက်။

"မိန်းမလာအုန်းဒီမှာမင်းသမီးရဲ့ဖုန်းထဲမှာသူ့ဆရာမဖုန်းနံပါတ်ရှိတယ်အဲ့ဖုန်းနံပါတ်ကိုမှတ်ထားလိုက် ပြီးရင်ကိုယ့်ဖုန်းထဲmessageလှမ်းပို့လိုက်"

"ဘာလုပ်မလို့လဲယောင်္ကျားရယ်"

"ငါ့သမီးနဲ့လမ်းခွဲပေးဖို့ပြောရမှာပေါ့ကွ"