နှင်းဆီနီနီ (Completed)

Part 33

"ခွန်းသစ္စာချိုတစ်ညလုံးဘယ်ကိုသွားနေတာလဲမိဘတွေဘယ်လောက်တောင်စိတ်ပူနေလဲသိလားဖုန်းလဲမကိုင်ဘူး"

"အဖေကုမ္မဏီမသွားဘူးလား"

"မသွားဘူးအဖေမေးနေတာဖြေစမ်းပါဘယ်မှာညသွားအိပ်နေတာလဲ"

"ချယ့်အိမ်မှာ"

"ချယ် ဘယ်ကချယ်"

"မမှတ်မိတော့ဘူးလားသမီးချစ်တဲ့ချယ်လေသမီးနဲ့ချစ်ခဲ့ကြတဲ့ချယ် အဖေကိုယ်တိုင်ခေါ်တွေ့ပြီးသမီးနဲ့လမ်းခွဲဖို့ပြောခဲ့တဲ့ချယ်"

"ခွန်းသစ္စာချိုနင်နဲ့သူနဲ့ဘယ်လိုထပ်ပြီးပတ်သတ်နေပြန်တာလဲ"

"ဒီတိုင်းတစ်ယောက်နဲ့တစ်ယောက်ချစ်နေကြယုံလေးပါဘာဖြစ်လို့လဲအဖေ သမီးမှားလို့လား"

"ဘာနင်တို့ကအခု"

"ဟုတ်တယ်သမီးနဲ့ချယ်ပြန်ချစ်နေကြပြီဒီတစ်ခါတော့အဖေခွဲလို့မရစေရဘူး"

"အဲ့လိုမျိုးဘယ်တော့မှဖြစ်မလာရဘူးအခုချက်ချင်းအဆက်အသွယ်ဖြတ်"

"မဖြတ်နိုင်ဘူးသမီးချယ့်ကိုချစ်တယ်ချယ်လဲသမီးကိုချစ်တယ် ချယ့်အနားမှာရှိနေရယုံနဲ့တင်ပျော်တာမို့သမီးပျော်ရွှင်မှုသမီးဘာသာရှာပါရစေဒီထက်ပိုပြီးမချုပ်ချယ်ပါနဲ့တော့"

ခွန်းအမေဟာဘာတစ်ခွန်းမှကို၀င်မပြောပါခွန်းအဖေကတော့ခွန်းကိုအလွန်ဒေါသထွက်နေတော့သည်။

"နင်ကငါ့မျက်နှာကိုအိုးမဲသုတ်ချင်တဲ့သမီးမိုက်ပဲခွန်းသစ္စာချို အခုချက်ချင်းရပ်တန်းကရပ်နော်မဟုတ်ရင်ငါ့အဆိုးမဆိုနဲ့ငါ့ဂုဏ်သိက္ခာကိုထိခိုက်လာမယ့်ဘယ်အရာကိုမဆိုငါလက်မခံနိုင်ဘူး"

"အဖေကဘာတွေများထပ်လုပ်အုန်းမလို့လဲတစ်ခုသိထားရမှာကအဖေဘယ်လိုပဲခွဲခွဲချယ့်ကိုသမီးလုံး၀လက်မလွှတ်ဘူး"

"ခွန်းသစ္စာချိုနင်တော့လား ဖြန်း"

"ယောင်္ကျားဘယ်လိုလုပ်လိုက်တာလဲလက်ပါစရာလိုလို့လား"

"မင်းအသာနေဘာမှ၀င်မပြောနဲ့"

ခွန်းပါးဟာဖြောင်းကနဲနေအောင်အရိုက်ခံလိုက်ရသည်။နာကျင်သွားသော်လည်းစိတ်ထဲတွင်သူမသိပ်ချစ်ရသည့်ထိုအမျိုးသမီးနဲ့မခွဲချင်တဲ့စိတ်သာရှိသည်။