အချစ်၏ဖော်ပြခြင်းများ - အခန်း (၁၆)
" နေဉီးလေ ဝေဝေ ပိုး ရော လိုက်ခဲ့မယ် "
ပိုး ဝေဝေ ခုနကကတည်းက မျက်နှာမကောင်းတာ သိလို့ လိုက်မလို့ကြံလိုက်ပေမဲ့....ထိုအချိန်...
" ဘယ်လိုက်သွားမလို့လဲ မလိုက်ရဘူး "
ပိုးရဲ့လက်ကို ရုတ်တရက် ဖမ်းဆွဲလာတဲ့ အကို့ကြောင့် ခြေလှမ်းတွေ ရပ်တန့်သွားရ၏
" ဟို..ပိုး..."
" ခြံထဲက လေစိမ်းတွေတိုက်တယ် သက်သာတာမကြာသေးဘူး ပြန်ဖျားလိမ့်မယ် မီးလေးရဲ့ "
အကို့ကို လွန်ဆန်နိုင်ခြင်းမရှိသောကြောင့် ပိုး တိတ်တဆိတ် နေလိုက်ကာ...ထွက်ခွာသွားသော ဝေဝေ့ကျောပြင်ကို စိုးရိမ်ပူပန်မှုတွေနဲ့မျက်လုံးအစုံကကပ်ပါသွားရင်း..
" လာ အပေါ်သွားရအောင် မီးလေး "
အကိုက ပိုး ရဲ့ ပုခုံးကို ဖွဖွလေးဖက်ပြီး ထိန်းကိုင်ပေးရင်း အပေါ်သွားမယ်ကြံချိန်..
" အိုမို ငါသိတဲ့နေလင်းစစ်ရော ဟုတ်ရဲ့လား "
နေလင်းစစ် ရွှတ်နောက်နောက် ပြောလာတဲ့ မိုး ကိုကြည့်ပြီး မိုး ဘေးကပ်ရပ်ပြီး တိုးတိုးလေးပြောပြလိုက်သည်က
" နင်သိထားတဲ့ နေလင်းစစ်နဲ့ ခုနေလင်းစစ်က တူညီပေမဲ့ နှလုံးသားတော့မတူညီတော့ဘူးလေ "
အကိုက မမမိုးကို ဘာတွေပြောနေလဲ ပိုးမကြားရပါ အကိုက မမမိုး ဘဲကြားစေချင်လို့လား ပိုး ကိုမသိစေချင်တာများလား ပိုး အတွေးတွေလွန်သွားမိသည်
" အမယ်လေး နေလင်းစစ်ရယ် သည်းသည်းလှုပ် နောက်ဆုံးတော့ အလုပ်ပဲလုပ်နေတဲ့သူက ဇနီးလေးနဲ့တွေ့မှ ဦးစားပေးပြောင်းတော့မယ်ဗျို့..."
" အို... "
မမိုးရောင်ခြယ်၏စကားကြောင့် ရှက်ရွံစွာ ခေါင်းငုံ့လိုက်မိသူက မီးပိုးအိမ်သာ... အကို့ကတော့ ပိုး ကိုအသာဖက်ကာ သွားနေသည်မို့ အကို့မျက်နှာကို မသိမသာ ခိုးကြည့်ေနမိ သည်...အကိုရော ပြုံးများနေမလား ဒါမှမဟုတ် မနှစ်မြို့စွာ မျက်မှောင်ကုတ်နေမလား....
YOU ARE READING
အချစ်၏ဖော်ပြခြင်းများ ( Completed )
Romanceအရှက်အကြောက်ကြီးလွန်းတဲ့ မီးပိုးအိမ်ဆိုသောသူမ နဲ့ တည်ကြည်ရိုးသားအလုပ်ကလွဲမသိ အချစ်ရေးဆိုစိတ်မဝင်စားတဲ့ နေလင်းစစ် ဆိုသောသူ လက်ထပ်ဖို့ဖြစ်လာသောအခါ ယောက်ျားဖြစ်သူကိုချစ်နေမိပေမဲ့ ယောက်ျားဖြစ်သူကိုကြောက်ပြီး စကားတောင်မပြောရဲတဲ့ သူမ ဘယ်လိုများ ယောက်ျားဖြ...
