အချစ်၏ဖော်ပြခြင်းများ - အခန်း(၃၉)
နေလင်းစစ် ဆေးရုံက ပြန်လာပေမဲ့ ခါတိုင်းလို သူ့ကိုထွက်ကြိုတဲ့ ဇနီးဖြစ်သူကို မတွေ့သဖြင့် စိတ်ပူသွားကာ လိုက်ရှာတော့...
" ဟင် "
သူမြင်လိုက်ရတာကြောင့် မျက်ခုံးတွေ တွန့်ချိုးသွားမိသည်...ဆိုဖာပေါ်ထိုင်ကာ တီဗွီကြည့်နေတဲ့ မိန်းကလေး ဘေးမှာလည်း မုန့်အခွံတွေနဲ့ရှုပ်ပွညစ်ပေနေလေ၏..အရင်က ဝတ္ထုတွေကြိုက်ပြီး သရေစာသိပ်မစားတတ်တဲ့ မိန်းကလေးက ဒီလိုအချိန်အတွင်း ပြောင်းလဲသွားနိုင်တာလား...
" မီးလေး "
" အကို ပြန်လာပြီလား ထမင်းစားကြရအောင်လေ ပိုး ဗိုက်ဆာပြီ "
" ကိုယ်ရေချိုးလိုက်ဦးမယ်လေ "
" ဟာကွာ အကိုကလည်း ပြီးမှချိူးပါ ပိုးဗိုက်ဆာနေပြီဆို "
သူ့လက်ကို ဆွဲရမ်းကာ ချွဲနေတဲ့ပုံက ချစ်စရာကောင်းပေမဲ့ သူ့အတွက် ဘာလို့ စိတ်ပျက်စရာလို့မြင်နေရတယ်မသိပါ..ထို့ပြင် သူရေချိုးပြီးမှ ထမင်းစားတတ်တာကိုလည်း သူမ မေ့သွားလို့များလား...
" ဟုတ်ပါပြီ ဒါဆို ထမင်းအရင်စားကြမယ်လေ "
" လှသူ ထမင်းပြင်လိုက်စမ်း "
" ဟုတ် ဟုတ်ကဲ့ သခင်မလေး "
အမိန့်ပေးတဲ့အသံနဲ့ ပြောနေတဲ့ မီးလေးပုံစံဟာ သူတစ်ခါမှ မမြင်ဖူးတဲ့ ပုံစံမျိုးပါပဲ...နောက်ပြီး လှသူ မီးလေးကို ဘာလို့ သခင်မလေးလို့ပြောင်းခေါ်နေရတာလဲ....
သူ သူမကို သံသယမျက်ဝန်းတွေနဲ့ စိုက်ကြည့်နေတာကို မြင်တော့ ဝတ်လွှာ လိပ်ပြာမလုံစွာ မျက်လုံးလွှဲလိုက်မိသည်...
" ဘာဖြစ်လို့ပါလိမ့် ငါမီးပိုးအိမ်နဲ့ ဘာမတူတာများလုပ်မိပါလိမ့် "
ထို့နောက် ဝတ်လွှာ ရှုပ်ပွနေတဲ့ အမှိုက်တွေကိုမြင်သွားမိပြီး...
" အော် ခုနလေ လှသူနဲ့ တီဗွီကြည့်နေတာ သူ့ကို ခင်လို့ မုန့်ကျွေးတော့ သူစားထားတာလေ "
" ရှင်...ဟို... "
" လှသူ နောက်ပြီး ကိုယ်စားတာကိုယ့်ဟာကိုယ်ရှင်းရမယ်နော် "
YOU ARE READING
အချစ်၏ဖော်ပြခြင်းများ ( Completed )
Lãng mạnအရှက်အကြောက်ကြီးလွန်းတဲ့ မီးပိုးအိမ်ဆိုသောသူမ နဲ့ တည်ကြည်ရိုးသားအလုပ်ကလွဲမသိ အချစ်ရေးဆိုစိတ်မဝင်စားတဲ့ နေလင်းစစ် ဆိုသောသူ လက်ထပ်ဖို့ဖြစ်လာသောအခါ ယောက်ျားဖြစ်သူကိုချစ်နေမိပေမဲ့ ယောက်ျားဖြစ်သူကိုကြောက်ပြီး စကားတောင်မပြောရဲတဲ့ သူမ ဘယ်လိုများ ယောက်ျားဖြ...
